ပြည်သူ့လက်စွဲစာစဉ်

စာအုပ်အမည် - ဒီပံလင်း (ဘာသာပြန်) ရေးသားသည့် မြစ်နဒီတို့ခန်းခြောက်လေသောအခါ စာအုပ်သစ်ကို စာပေဗိမာန်က ထုတ်ဝေဖြန့်ချိ

စာရေးဆရာအမည် - ဒီပံလင်း

တန်ဖိုး - ၁၅၀၀ကျပ်

စာညွှန်း -

ဒီပံလင်း (ဘာသာပြန်) ရေးသားသည့် မြစ်နဒီတို့ခန်းခြောက်လေသောအခါ စာအုပ်သစ်ကို စာပေဗိမာန်က ထုတ်ဝေဖြန့်ချိလိုက်ပြီ ဖြစ်ပါသည်။
အဆိုပါစာအုပ်သည် ၂ဝ၁၄ ခုနှစ်အတွက် စာပေဗိမာန်စာမူဆုပြိုင်ပွဲတွင် ဘာသာပြန်စာပေ ပထမဆုရ စာမူဖြစ်ပြီး စာပေဗိမာန်က ပြည်သူ့လက်စွဲစာစဉ်အဖြစ် ထုတ်ဝေဖြန့်ချိလိုက်ခြင်း ဖြစ်သည်။

မြစ်နဒီတို့ခန်းခြောက်လေသောအခါ စာအုပ်တွင် 'ရေ' သည် လူတို့၏ နေ့စဉ်ဘ၀ကို စိုးမိုးထား သည်။ ရေ၏တန်ဖိုးကို သိသည့်တိုင်အောင် အလေးထားမှု ကင်းမဲ့နေသည့် ကမ္ဘာသူ ကမ္ဘာသား တို့ကို 'ရေ' က စိန်ခေါ်နေသည်။ စင်စစ်ရေကြောင့် ဆင်နွှဲလာရသော စစ်ပွဲများကို ရာစုသစ်၏ နှစ်များတွင် ကြုံတွေ့လာကြရသည်။ ရေသည် ကောင်းကျိုးပေးသော်လည်း ရေကို အကြောင်းပြု သည့် ပြဿနာများကိုပါ ကြုံလာကြရသည်။ ယင်းပြဿနာများကို သုတေသနပြုတင်ပြထားသည့် Fred pearce ရေးသားပြုစုသော ''When the Rivers Run Dry" စာအုပ်မှ အခန်း (၆) ခန်းကို ဘာသာပြန်ရန် ပြဋ္ဌာန်းခဲ့ခြင်း ဖြစ်ပါသည်။ ဤစာမူတွင် လူတို့ အသက်ရှင်သန်ရေးအတွက် သုံးစွဲရသည့် အံ့ဩဖွယ် ရေပမာဏ၊ မိမိတို့ စားသုံးနေသည့် အစားအစာ၊ အသီးအနှံ၊ အသုံးအဆောင်ပစ္စည်းတို့အတွက် နောက်ကွယ်မှ သုံးစွဲလိုက်ရသည့် ရေပမာဏ စသည်တို့ကို ကိန်းဂဏန်းများ၊ ဖြစ်စဉ်များဖြင့် ထောက်ပြထားသည်။ မြစ်ချောင်း၊ အင်းအိုင်တို့မှ ရေကို လူတို့မည်မျှကြာအောင် သုံးစွဲနိုင်မည်နည်း။ သစ်တောပြုန်းတီးလာ၍ မိုးရွာသွန်းမှုပုံစံ ပြောင်းလာသည်။ ကမ္ဘာ့နိုင်ငံအချို့တွင် ဖြစ်ပွားခဲ့သည့် ရေလွှမ်းမိုးမှုသည် သစ်တောများကို အလွန်အကျွံခုတ်လှဲခြင်းကြောင့်လည်း တင်ပြထားသည်။ အရှေ့အလယ်ပိုင်းဒေသမှ ပထမဆုံး ဖြစ်ပွားခဲ့သည့် ရေစစ်ပွဲကြီးအကြောင်းလည်း ပါရှိသည်။ မူလစာရေးဆရာသည် ၂၁ ရာစုအတွက် ရေပြဿနာကို မီးမောင်းထိုးပြရာတွင် ပညာရပ်ဆန်ဆန် တင်ပြခြင်းမဟုတ်ဘဲ တိုရှင်းသော ဝါကျများဖြင့် လိုရင်းကိုထိမိအောင် ရေးသားထားသည်။ ဘာသာပြန်သူကလည်း မူရင်းအာဘော်ကို တတ်နိုင်သမျှ ငုံမိအောင် ပြန်ဆိုထားကြောင်း တွေ့ရှိရသည်။ ပြန်ဆိုရေးသားမှု ရှင်းလင်းပြေပြစ်သည်။ အခန်းတိုင်းတွင် လိုအပ်သလို အသံဖလှယ်ခြင်း၊ ဝေါဟာရရှင်းလင်းခြင်း တို့ကို အောက်ခြေမှတ်စုနှင့်တကွ စည်းစနစ်ကျနစွာ ပြန်ဆိုနိုင်သော စာအုပ်ကောင်းတစ်အုပ် ဖြစ်ပါသည်။

 အဆိုပါစာအုပ်ကို အမှတ် ၅၂၉-၅၃၁၊ ကုန်သည်လမ်း၊ ရန်ကုန်မြို့ (ဖုန်း ဝ၁-၂၄၉၀၃၁၊ ဝ၁-၃၈၁၄၄၈) စာပေဗိမာန်စာအုပ်ဆိုင်မှ တန်ဖိုး ၁၅၀၀ ကျပ်ဖြင့် ဖြန့်ချိပြီး နေပြည်တော် သပြေကုန်းစျေးရှိ စာပေဗိမာန်စာအုပ်ဆိုင် (ဖုန်း ဝ၆၇-၄၁၄၆၈၁)၊ မန္တလေးမြို့  ၈၆ လမ်း (၂၁ လမ်းနှင့် ၂၂ လမ်းကြား) ရှိ စာပေဗိမာန်စာအုပ်ဆိုင် (ဖုန်း ဝ၂-၃၀၁၈၆) တို့နှင့် အမြို့မြို့ရှိ စာပေဗိမာန် ကိုယ်စားလှယ်ဆိုင်များတွင် ဝယ်ယူရရှိနိုင်ပါသည်။ လက်ကားမှာယူလိုပါက အမှတ် ၅၂၉-၅၃၁၊ ကုန်သည်လမ်း၊ ရန်ကုန်မြို့ (ဖုန်း ဝ၁-၂၄၉၀၃၁၊ ဝ၁-၃၈၁၄၄၈) စာပေဗိမာန်စာအုပ်ဆိုင်သို့ ဆက်သွယ်နိုင်ကြောင်း သိရသည်။