ပြည်သူ့လက်စွဲစာစဉ်

စာအုပ်အမည် - စာပေဗိမာန်စာမူဆုရ စာအုပ်ဖြန့်ချိရောင်းချ

စာရေးဆရာအမည် - ကိုကေအီး(နိဗ္ဗာန်)

တန်ဖိုး - ၄၅၀၀ကျပ်

စာညွှန်း -

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်က စာပေဗိမာန် စာမူဆု၊ လူငယ်စာပေ ပထမဆုရရှိသည့် စာရေးသူ ကိုကေအီး (နိဗ္ဗာန်) ၏ “တွန်းအား” စာအုပ်ကို ဖြန့်ချိရောင်းချလျက်ရှိသည်။

ယင်းစာအုပ်တွင် ဆောင်းပါး ၁၈ ပုဒ် ပါဝင်သည်။ စာရေးသူက ၎င်းရေးသားထားသော အကြောင်းခြင်းရာများသည် စိတ်ကူးယဉ်ဇာတ်လမ်းများမဟုတ်ဘဲ ၎င်းကိုယ်တိုင်ဖြတ်သန်းလာခဲ့ရ သော ဘဝအစိတ်အပိုင်းများဖြစ်ကြောင်း၊ ဘဝအခက်အခဲ စိန်ခေါ်မှုများကို ကြိုးစားဖြတ်သန်း ကျော်လွှားခဲ့ရာတွင် ရည်မှန်းချက်အောင်မြင်အောင် တွန်းအားပေးလှုံ့ဆော်ခဲ့သည့် အတွေ့အကြုံ များကို မျိုးဆက်သစ်လူငယ်များ အားကျနည်းယူပြုမူလှုပ်ရှား ကြိုးစားသမှုပြုကြစေရေးအတွက် စာပေခွန်အား တစ်နည်းအားဖြင့် ဘဝတိုးတက်ရေးတွန်းအားအဖြစ် မျှဝေပေးခြင်းဖြစ်ကြောင်း သူ၏ ရည်ရွယ်ချက်ကို ရှင်းပြထားသည်။

စာရေးသူ၏ ရည်ရွယ်ချက်နှင့်အညီ “တွန်းအား (၁)” တွင် ရှေးလူကြီးသူမ များက ‘နေတစ်တိုင် သွားတစ်တိုင်’ ဟု ဆိုရိုးစကားရှိခဲ့ရာ နားနေသူက တစ်ခဏ ထိုင်နားနေစဉ်မှာ မနားဘဲသွားနေသူက တစ်တိုင် (နှစ်မိုင်) ခရီးကို ရောက်သွားသည့် သဘောပင်ဖြစ်သည်။ ကျောင်းသားချင်းအတူတူ ပုံမှန်စာကျက်သူနှင့် မကျက်သူ ကွာခြားသွားလေ့ရှိသည်။ ဝီရိယရှိသူနှင့် မရှိသူ ကွာခြားသွားလေ့ရှိသည်။ ထို့ကြောင့် ‘မင်းနားနေတဲ့အချိန်မှာ အားလုံးက သွားနေကြတယ်’ ဟူသော ဆောင်ပုဒ်ကို ဘဝတစ်လျှောက်လုံး တွန်းအားအဖြစ် ကျင့်သုံးခဲ့ကြောင်း ထိမိစွာ ဖော်ပြထားသည်။ ‘တစ်မူးတစ်ပဲ အသုံးရဲ၊ မွဲဆေးဖော်သူ နာလန်မထူ’ ဟူသောဆိုစကားနှင့်အညီ အသုံးနှင့် အဖြုန်းကို ငယ်စဉ်ကတည်းက ခွဲခြားနားလည်နေကြစေရေး၊ လောကတွင် အကောင်းနှင့် အဆိုး၊ အကျိုးနှင့် အပြစ်ဟူ၍ ဒွန်တွဲနေလေရာ အကောင်းသည် သွားနေခြင်းဖြစ်ပြီး အဆိုးသည် ရပ်နေခြင်းဖြစ်ကြောင်း၊ ကောင်းကွက်များကို ရှာဖွေ အတုယူကြရင်း ဆိုးကွက်များကို ကြိုတင်သိမြင် ရှောင်ကြဉ်ကြစေလိုကြောင်း၊ မျှော်လင့်ချက်ဖြင့် ကူညီခြင်းသည် လောဘစိတ်၊ ကူညီပြီး၍ ကိုယ်မျှော်လင့်သလို မတုံ့ပြန်လျှင် ဒေါသစိတ်၊ နှစ်ခုစလုံးသည် အပူမီးကိုသာ ပွားများစေ သောကြောင့် မျှော်လင့်ချက်မထားဘဲ ကူညီကြစေလိုကြောင်း၊ ခိုင်မာသည့် ဦးတည်ချက်၊ ရည်မှန်း ချက်ရှိသူသည် မရပ်မနားသွားနေပါက ရည်မှန်းချက်ပေါက်မြောက်အောင်မြင်မည်ဖြစ်ကြောင်း စာရေးသူ၏ ဘဝကိုယ်တွေ့ဖြစ်ရပ်များနှင့် လူငယ်များကို စေတနာဖြင့် တွန်းအားပေးထားရာ ခေတ်သစ်လူငယ်တက်ကျမ်းအဖြစ် မှတ်ယူနိုင်မည့်စာအုပ်ကောင်းတစ်အုပ် ဖြစ်ပါသည်။

အဆိုပါစာအုပ်ကို ရောင်းဈေး  (၄၅ဝဝ) ကျပ်ဖြင့် အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁၈-၂၄၉၀၃၁၊ ၀၁၈-၃၈၁၄၄၈)၊ အမှတ် (တ- ၅၅)၊ သပြေကုန်းစျေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁၊ ၀၉-၄၄၉၅၄၀၆၆၇)၊ ၈၆ လမ်း၊ ၂၁ လမ်းနှင့် ၂၂ လမ်းကြား၊ မန္တလေးမြို့ရှိ စာပေဗိမာန်စာအုပ်ဆိုင် (ဖုန်း ၀၂-၄၀၃၀၁၈၆) နှင့် အမြို့မြို့ရှိ စာပေဗိမာန် ကိုယ်စားလှယ်များထံတွင် ဆက်သွယ်ဝယ်ယူနိုင်ကြောင်းနှင့် လက်ကားမှာယူလိုပါက အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်၊ အရောင်းဌာန (ဖုန်း ၀၁၈-၂၄၉၀၃၁၊  ၀၁၈-၃၈၁၄၄၈) သို့ ဆက်သွယ်နိုင်ကြောင်း သတင်းရရှိသည်။