ပြည်သူ့လက်စွဲစာစဉ်

စာအုပ်အမည် - သန်းအောင် (အညာမြေ) ရေးသားသည့် ရွှေစင် နှစ်ပွင့် စာအုပ်သစ်ကို စာပေဗိမာန်က ထုတ်ဝေ ဖြန့်ချိ

စာရေးဆရာအမည် - သန်းအောင် (အညာမြေ)

တန်ဖိုး - ၁၀၀၀ကျပ်

စာညွှန်း -

သန်းအောင် (အညာမြေ) ရေးသားသည့် ရွှေစင် နှစ်ပွင့် စာအုပ်သစ်ကို စာပေဗိမာန်က ထုတ်ဝေ ဖြန့်ချိလိုက်ပြီ ဖြစ်ပါသည်။

အဆိုပါစာအုပ်သည် ၂ဝ၁၄ ခုနှစ်အတွက် စာပေဗိမာန်စာမူဆု ကလေးစာပေ တတိယဆုရ စာမူဖြစ်ပြီး စာပေဗိမာန်က ပြည်သူ့လက်စွဲစာစဉ်အဖြစ် ထုတ်ဝေဖြန့်ချိလိုက်ခြင်း ဖြစ်သည်။

ရွှေစင် နှစ်ပွင့် စာအုပ်တွင် ကလေးကဗျာ (၈၆) ပုဒ်ရှိပါသည်။ ကလေးကဗျာများကို မဖွဲ့ဆိုမီ ထိုကလေးကဗျာတစ်ပုဒ်ချင်းစီ၌ ဖွဲ့ဆိုမည့် အကြောင်းအရာ များကို စကားပြေအဖြစ် အလျင်အဦး ရေးသားဖွင့်ဆိုရှင်းပြထားပါသည်။ ထိုသို့ ဖွင့်ဆိုရေးပြထား၍ ကလေးတို့အနေဖြင့် ကလေးကဗျာများ၏ အနက် အဓိပ္ပာယ်ကို ကြိုတင်သိရှိထားပြီးဖြစ်ရာ ပိုမိုခံစားနားလည်နိုင်ဖွယ် ရှိပါသည်။ ထိုကဗျာတွင် သုံးနှုန်းထားသည့် စကားများနှင့် ပတ်သက်၍ သက်ဆိုင်ရာ ဆိုရိုးများ၊ စကားပုံများ၊ ဝေါဟာရများကိုပါ ဆက်နွှယ်ရှင်းပြထားသဖြင့် ကလေးများအဖို့ ဗဟုသုတ ပိုမိုရရှိစေပါသည်။ ရေးဖွဲ့ထားသော ကဗျာများမှာ ကလေးတို့ ပတ်ဝန်းကျင်မှ အကြောင်းအရာ ဖြစ်ပြီး ကြားဖူးနေကြ ဝေါဟာရများဖြင့် အသံလွင်လွင် ဆိုချင် ရွတ်ချင်ဖွယ်ရှိအောင် ရေးဖွဲ့ထား သည့် စာအုပ်ကောင်းတစ်အုပ် ဖြစ်ပါသည်။

အဆိုပါစာအုပ်ကို အမှတ် ၅၂၉-၅၃၁၊ ကုန်သည်လမ်း၊ ရန်ကုန်မြို့ (ဖုန်း ဝ၁-၂၄၉၀၃၁၊ ဝ၁-၃၈၁၄၄၈) စာပေဗိမာန်စာအုပ်ဆိုင်မှ တန်ဖိုး ၁၀၀ဝ ကျပ်ဖြင့် ဖြန့်ချိပြီး နေပြည်တော် သပြေကုန်းစျေးရှိ စာပေဗိမာန်စာအုပ်ဆိုင် (ဖုန်း ဝ၆၇-၄၁၄၆၈၁)၊ မန္တလေးမြို့  ၈၆ လမ်း (၂၁ လမ်းနှင့် ၂၂ လမ်းကြား) ရှိ စာပေဗိမာန်စာအုပ်ဆိုင် (ဖုန်း ဝ၂-၃၀၁၈၆) တို့နှင့် အမြို့မြို့ရှိ စာပေဗိမာန် ကိုယ်စားလှယ်ဆိုင်များတွင် ဝယ်ယူရရှိနိုင်ပါသည်။ လက်ကားမှာယူလိုပါက အမှတ် ၅၂၉-၅၃၁၊ ကုန်သည်လမ်း၊ ရန်ကုန်မြို့ (ဖုန်း ဝ၁-၂၄၉၀၃၁၊ ဝ၁-၃၈၁၄၄၈) စာပေဗိမာန်စာအုပ်ဆိုင်သို့ ဆက်သွယ်နိုင်ကြောင်း သိရသည်။