ရွှေသွေးဂျာနယ်

ပြန်ကြားရေး၀န်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် ၁၂ နှစ်အောက် ကလေးများဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတေ်၀လျက်ရှိရာ ယခုလာမည့် (၁၆- ၁၂-၂၀၁၇) နေ့တွင် ထွက်ရှိမည့်  ရွှေသွေးဂျာနယ် အတွဲ (၄၉) အမှတ် (၅၀) တွင် အထက်အညာသို့ အလည်သွားခဲ့သည့် ပုပုတစ်ယောက် သဘာ၀ပတ်၀န်း ကျင်ထိန်းသိမ်းရေးပညာများ သင်ယူလာပုံ လေးမျက်နှာဇာတ်လမ်း၊ အန္တရာယ်များသည့် ကစားနည်းများကိုရှောင်ကြဉ်သင့်ပုံ နှစ်မျက်နှာဇာတ်လမ်း၊ အပြောနှင့်အလုပ်မညီသူကို သရော်ထားသည့် နှစ်မျက်နှာဟာသ ဇာတ်လမ်းနှင့် မုန့်လုစားသည့်ခွေးကလေးတိုးတိုး တစ်မျက်နှာ ဟာသဇာတ်လမ်း တို့ကိုဖတ်ရှုရမည်ဖြစ်ပါသည်။

သုတကဏ္ဍအနေဖြင့် မြန်မာ့ရိုးရာခြင်းလုံးအားကစားအကြောင်းကို တင်ဆက်ထားပြီး ရသကဏ္ဍအနေဖြင့် အိမ်နီးချင်းတို့၏ ကူညီစောင့်ရှောက် တတ်သည့် ရှိရင်းစွဲစိတ်လေးများ ပျက်စီး မသွားအောင်သတိထားနေထိုင် ပြောဆိုကြရန်ကလေး၀တ္ထုတွင် ဖော်ကျူးထားပါသည်။ အထူးကဏ္ဍအနေဖြင့် ယခုတစ်ပတ်တွင် မြန်မာနိုင်ငံ၏ဆန်အိုးကြီးဟုခေါ်ဝေါ်နိုင်သည့် ဧရာ၀တီတိုင်း ဒေသကြီး အကြောင်းထည့်သွင်းတင်ဆက်ထားပါသည်။

ကလေးတို့အင်္ဂလိပ်စာအရည်အသွေး တိုးတက်စေရန်အတွက် ရွှေသွေးဝေါဟာရကဏ္ဍတွင် ပြုမူ ဆောင်ရွက်ပုံကြိယာအချို့၏ အနက်အဓိပ္ပာယ်များ၊ ဝါကျအတွင်းထည့်သွင်းသုံးစွဲပုံများကို သရုပ် ဖော်ပုံများနှင့်တကွ လေ့လာနိုင်ပါသည်။ ယခုတစ်ပတ်ရွှေသွေးစကားဝိုင်းတွင် Useful expressions များကို အသုံးတွင်သည့် ပြောဆိုပုံများဖြင့် လေ့ကျင့်ပြောဆိုနိုင်မည်ဖြစ်ပါသည်။ အင်္ဂလိပ်စာနှင့် စကားလေ့လာရာတွင် အခြေခံအုတ်မြစ်ဖြစ်သည့် ရွှေသွေး အင်္ဂလိပ်သဒ္ဒါကဏ္ဍ၌ Way ၏အဓိပ္ပာယ်၊ အသုံးအနှုန်း၊ ဝါကျတည်ဆောက်ပုံများကို နမူနာဝါကျများ၊ လေ့ကျင့်ရန် ၀ါကျများဖြင့် တင်ဆက်ထားရာ ကလေးများနှစ်သက်မည်ဖြစ်သည်။