ရွှေသွေးဂျာနယ်

(၁၉-၅-၂၀၁၈) ရက်ထုတ် ရွှေသွေးဂျာနယ် အတွဲ (၅၀)၊ အမှတ် (၂၀) ထွက်ရှိ

တန်ဖိုး - ၂၅၀ကျပ်

ပြန်ကြားရေး၀န်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် ၁၂ နှစ်အောက် ကလေးများဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ယခုလာမည့် (၁၉-၅-၂၀၁၈)တွင် ထွက်ရှိမည့် ရွှေသွေးဂျာနယ် အတွဲ (၅၀)၊ အမှတ် (၂၀) တွင် မျောက်ဖိုးစိန်နှင့် ကျားကြီးရုပ်ဆိုးတို့ပါ၀င်သော''ဖိုးစိန်နေမြဲ ကျားနေမြဲ'' မျက်နှာဖုံးဇာတ်လမ်း၊ ''တစ်လုတ်စားဖူး၍ ကျေးဇူးသိတတ်သည့် သတ္တဝါ'' နှစ်မျက်နှာဇာတ်လမ်း၊ ''အမှိုက်ကို စည်းမဲ့ကမ်းမဲ့မပစ်ရန် နှိုးဆော်သော ဆူးကလေး''  နှစ်မျက်နှာဇာတ်လမ်းနှင့် ''အာဟာရ ပြတ်မှာ ကြောက်တဲ့ ရန်ပိုင်စိုး'' တစ်မျက်နှာဟာသဇာတ်လမ်းတို့ကို တင်ဆက်ထားပါသည်။

သုတကဏ္ဍတွင် ''မဟာသမယ အခါတော်နေ့နှင့် နယုန်လပွဲတော်'' အကြောင်းကို ဖတ်ရှုရမည် ဖြစ်သည်။ ရသကဏ္ဍတွင် ''အခက်အခဲဖြစ်နေသောသူကို ကူညီပေးလိုက်သည့်အတွက် စေတနာ အကျိုးပေးပုံ'' ကိုကလေး၀တ္ထုအနေဖြင့် ဖွဲ့နွဲ့တင်ပြထားပါသည်။ယခုအပတ်တွင် အထူးကဏ္ဍအနေ ဖြင့် မွန်ပြည်နယ်၏မြို့တော် မော်လမြိုင်မြို့အကြောင်းကို ဖတ်ရှုရမည်ဖြစ်သည်။

ကလေးတို့၏ အင်္ဂလိပ်စာအရည်အသွေးတိုးတက်စေရန် ယခုတစ်ပတ်တွင် ပြုမူဆောင်ရွက်ပုံ ကြိယာအချို့၏ဝေါဟာရကို ဝါကျ၌သုံးစွဲထားကာ သရုပ်ဖော်ပုံနှင့်တကွ တင်ဆက်ထားပါသည်။ ကလေးတို့၏ အင်္ဂလိပ်စကားပြောစွမ်းရည် တိုးတက်စေရန် အထောက်အကူပြုမည့် ရွှေသွေး စကားဝိုင်း ကဏ္ဍတွင် Useful sentence structures များကို စိတ်၀င်စားဖွယ်တင်ဆက်လျက်ရှိရာ no matter what ၊ no wonder တို့နှင့်စပ်လျဉ်း၍ ရှင်းလင်းချက်များကို ဖတ်ရှုကာ လေ့ကျင့် ပြောဆိုနိုင်မည် ဖြစ်ပါသည်။ အင်္ဂလိပ်စာကို ပိုမိုပိုင်နိုင်စေမည့် ရွှေသွေးအင်္ဂလိပ်သဒ္ဒါကဏ္ဍတွင်  verb to do ၏ simple present tense အကြောင်းကိုဆက်လက်တင်ဆက်ထားရာ ကလေးများ ကြိုက်နှစ်သက်မည် ဖြစ်ပါသည်။

ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၂၅၀ ကျပ် နှုန်းဖြင့် စာပေဗိမာန် အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့၊ဖုန်း ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။