ရွှေသွေးဂျာနယ်

(၁၄-၉-၂၀၁၉) ရက်ထုတ် ရွှေသေွးဂျာနယ် အတွဲ (၅၁)၊ အမှတ် (၃၇) ထွက်ရှိ

တန်ဖိုး - ၂၅၀ကျပ်

(၁၄-၉-၂၀၁၉) ရက်ထုတ် ရွှေသေွးဂျာနယ် အတွဲ (၅၁)၊ အမှတ် (၃၇) ထွက်ရှိ
ပြန်ကြားရေးဝန်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ် အောက် ကလေးများ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေ လျက်ရှိရာ ၂၀၁၉ ခုနှစ်၊ စက်တင်ဘာလ ၁၄ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၁)၊ အမှတ် (၃၇) ၌ စိတ်ထားမြင့်မြတ်သော မိုးဇော်အကြောင်းကို သရုပ်ဖော်ထားသည့် “မြင့်မြတ်သော စိတ်အလှ” မျက်နှာဖုံးဇာတ်လမ်း၊ အရာရာကို ကိုယ်ပိုင်ဉာဏ် မသုံးဘဲ ယောင်ဝါးဝါး ဖြစ်နေပါက မွေးရာပါမျက်မမြင်ကဲ့သို့ စမ်းတဝါးဝါး ဖြစ်တတ်ပုံအကြောင်းကို သရုပ်ဖော်ထားသော “ကိုယ်ပိုင်ဉာဏ်” နှစ်မျက်နှာဇာတ်လမ်း၊ ပင်လယ်ကမ်းခြေတွင် ငှက်ကလေးများ ပျော်ရွှင်စွာ ဉဉကြပုံ အကြောင်းကို သရုပ်ဖော်ထားသော “ပျော်စရာကမ်းခြေ” နှစ်မျက်နှာ ဇာတ်လမ်းနှင့် “ကျောက်ခေတ်ကမ္ဘာ” တစ်မျက်နှာဟာသဇာတ်လမ်းတို့ကို တင်ဆက်ထားပါသည်။
ယခုတစ်ပတ်အတွက် “ရှင်မတောင်လား ရွှေဘိုလား” ကဗျာကို စန္ဒရားနှင့် တီးခတ်နိုင်ရန် သံစဉ်လေးများဖြင့် တင်ဆက်ထားပါသည်။ ပုံပြင်ကဏ္ဍတွင် မျိုးရိုးဂုဏ်သိက္ခာကို ထိန်းသိမ်းခြင်း သည် မိဘအမွေကို ဆက်ခံခြင်းဖြစ်ကြောင်းကို ရေးသားတင်ဆက်ထားပါသည်။ ထို့ပြင် ကလေးတို့ လိုက်နာကျင့်သုံးအပ်သော ပြည်သူ့နီတိ၊ လောကနီတိကဏ္ဍနှင့် ကလေးတို့ကိုယ်တိုင် ပါဝင်ရေးဆွဲနိုင် မည့် ဘာပုံလေးဖြစ်မလဲကဏ္ဍတို့ကိုလည်း တင်ဆက်ထားပါသည်။
အင်္ဂလိပ်စာကဏ္ဍတွင် ဖတ်မှတ်လေ့လာဝေါဟာရကမ္ဘာကဏ္ဍ၌ မီးဖိုချောင်သုံးပစ္စည်းအချို့၏ အမည်များကို မြန်မာ-အင်္ဂလိပ်နှစ်ဘာသာဖြင့် တင်ဆက်ထားရာ ကလေးများအနေဖြင့် ဂရုတစိုက် မှတ်သားထားမည်ဆိုပါက ဝေါဟာရကြွယ်ဝလာမည် ဖြစ်ပါသည်။ အင်္ဂလိပ်စာ စကားဝိုင်းကဏ္ဍတွင် ယဉ်ကျေးမှုဆိုင်ရာ ကျင့်သုံးပုံအကြောင်းနှင့် ပတ်သက်၍ ‘Conversation questions and answers’ ခေါင်းစဉ်ဖြင့် အပြန်အလှန်ပြောဆိုပုံအချို့ကို လေ့လာနိုင်မည်ဖြစ်သည်။ အင်္ဂလိပ်စာအခြေခံအတွက် အရေးပါပြီး အဓိကကျသည့် ရွှေသွေးအင်္ဂလိပ်သဒ္ဒါကဏ္ဍတွင် အကူကြိယာ (helping verb)ပါရှိသော ဝါကျများကို ‘လဲ’ မေးခွန်းပြောင်းခြင်းနှင့် အငြင်းဝါကျ (negative) ပြောင်းနည်းဆိုင်ရာ သင်ခန်းစာ သစ်¬¬အချို့ကို လေ့လာမှတ်သားနိုင်မည် ဖြစ်ပါသည်။
ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၂၅၀ ကျပ်နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့၊
ဖုန်း ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။

Download PDF