ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၅ ခုနှစ်၊ မတ်လ ၁ ရက် (စနေနေ့)တွင် ထွက်ရှိမည့် ရွှေသွေး ဂျာနယ် အတွဲ(၅၇)၊ အမှတ်(၉) ၌ ဘဝတွင် အသိပညာ၊ အတတ်ပညာနှင့် တွေးခေါ်မြော်မြင် နိုင်စွမ်း၏ အရေးပါပုံကို ပုပု၏ ဖခင်က ပုပုနှင့် အောင်ဘုအား ရှင်းပြထားသည့်အကြောင်း သရုပ်ဖော်ထားသည့် “မနေ့က နှင့်မတူ” မျက်နှာဖုံးဇာတ်လမ်း၊ မိမိ၏လုပ်ရပ်အပေါ် အမှား၊ အမှန် ခွဲခြားနိုင်ပြီး မိမိကြောင့် တစ်ပါးသူ ဒုက္ခမရောက်သင့်ကြောင်း သရုပ်ဖော်ထားသည့် “အမှားနဲ့ အမှန်” နှစ်မျက်နှာကာတွန်း၊ နွေရာသီကျောင်းပိတ်ရက်တွင် ယဉ်ကျေးမှုသင်တန်းတက်မည့် ရန်ပိုင်စိုးအကြောင်း  သရုပ်ဖော်ထား သည့် “ရန်ပိုင်စိုး”  တစ်မျက်နှာကာတွန်း၊ ခွေးလေးပါပီ သူခိုးဖမ်းနိုင်သည်မှာ ခွေးပိုင်ရှင်ဖိုးဇော်၏ အသင်အပြကောင်းခြင်းကြောင့် ဖြစ်ကြောင်း သရုပ်ဖော်ထားသည့် နည်းပြကောင်း” နှစ်မျက်နှာကာတွန်း၊ ကြွက်လေးအတွက် မြေတွင်းကသာ အလုံခြုံဆုံးနှင့် စိတ်အချရဆုံးနေရာဖြစ်ကြောင်း သရုပ် ဖော်ထားသည့် “ကြွက်ဖြစ်ရတဲ့ ဒုက္ခ” နှစ်မျက်နှာကာတွန်းနှင့် ဆရာမက စာသင်ခန်းထဲတွင် ပန်ပန်နှင့် သူငယ်ချင်းများအား စာမေးထားသည့်ကို သရုပ်ဖော်ထားသည့် “ပန်ပန်” မျက်နှာဝက်ကာတွန်းကဏ္ဍ တို့ကို တင်ဆက်ထားပါသည်။