ဆက်စပ် စာအုပ်များ
ရွှေသွေးဂျာနယ်
၅-၄-၂၀၂၅ ရက်ထုတ် ရွှေသွေးဂျာနယ် အတွဲ (၅၇)၊ အမှတ် (၁၄) ထွက်ရှိ
တန်ဖိုး - ၄၀၀ကျပ်
ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့ တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဧပြီလ ၅ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၇)၊ အမှတ် (၁၄)၌ လယ်ပုစွန်လုံးလေး၏ ကျွေးကျေးဇူးရှင် လယ်သမားကို ပြန်လည် ကျေးဇူးဆပ် လိုက်ပုံအကြောင်း သရုပ်ဖော်ထားသည့် “တုံ့လှည့်မေတ္တာ” မျက်နှာဖုံးကာတွန်း၊ မြေပုံထဲတွင် အရပ် လေးမျက်နှာကို မည်ကဲ့သို့ ကြည့်ရသည်ကို ပြောပြထားပုံအကြောင်း သရုပ်ဖော်ထားသည့် “ကီးကီ၊ ဂျိုးဂျိုးနဲ့ အရှေ့နဲ့ အနောက်၊ တောင်နဲ့ မြောက်” နှစ်မျက်နှာကာတွန်း၊ မြေခွေးမောင်နှံတို့၏ ကောက်ကျစ်စဉ်းလဲသော အကြံကို အချိန်မီ သတိထား ရှောင်ရှားလိုက်နိုင် သော ယုန်လေးအကြောင်း သရုပ်ဖော်ထားသည့် “စမ်းသပ်မှု” နှစ်မျက်နှာကာတွန်း၊ ရေအကျိုး ဆယ်ပါး၊ ဆွမ်းအကျိုး ငါးပါး၊ ပန်းလှူအကျိုး သုံးပါးနှင့် မီးလှူအကျိုး နှစ်ပါးတို့အကြောင်း သရုပ်ဖော်ထားသည့် “ဆူးကလေး၏ အကျိုးကျေးဇူး” နှစ်မျက်နှာကာတွန်း၊ သင်္ဘောပျက်သောနေရာကို ပြောပြလိုက်သော မြဂျိုးအကြောင်း သရုပ်ဖော်ထားသည့် “မြဂျိုးနှင့် တောင်ငူတွင် သင်္ဘောပျက်ခြင်း” တစ်မျက်နှာကာတွန်းနှင့် အာကာသယာဉ်မှူးကြီး လုပ်မည်ဆိုပါက သင်္ချာတော်ရမည်ဖြစ်ကြောင်း သရုပ်ဖော်ထားသည့် “ဘယ်ကျော်” မျက်နှာဝက်ကာတွန်းတို့ကို တင်ဆက်ထားပါသည်။
သုတကဏ္ဍအနေဖြင့် ပုံရိပ်ယောင်နှင့် ပုံရိပ်စစ်တို့ကို ဖြစ်ပေါ်စေသည့် ကြည့်မှန်များအကြောင်း ဗဟုသုတဖြစ်ဖွယ် တင်ဆက်ထားပါသည်။ ဝတ္ထုကဏ္ဍတွင် ပတ်ဝန်းကျင်သန့်ရှင်း သပ်ရပ်မှုမရှိလျှင် ဖြစ်ပေါ်လာနိုင်သည့် ဆိုးကျိုးများအကြောင်း ဖတ်ရှုရမည်ဖြစ်ပါသည်။ ပုံပြင်ကဏ္ဍအနေဖြင့် အန်ဒီနှင့် လူပုလေး ရိုရိုတို့သည် စစ်မှန်သော သူငယ်ချင်းများ ဖြစ်ကြပုံအကြောင်း ဖတ်ရှုရမည်ဖြစ်ပါသည်။ ထို့ပြင် ရွှေသွေးတို့ကိုယ်တိုင် ပါဝင်ဆောင်ရွက်ရမည့် ဆေးရောင်ခြယ်ကဏ္ဍ၊ ကလေးတို့ကိုယ်တိုင် ရေးဆွဲထားသည့် ပန်းချီလက်ရာများကို တင်ဆက်ထားသည့် ရွှေသွေးတို့လက်ရာကဏ္ဍနှင့် ဆေးဖက်ဝင်သည့် သဘောဝပျားရည်အကြောင်း ရေးဖွဲ့ထားသည့် ဆရာ မင်းနီခိုင် (မောင်တော)၏ “ဆေးဖက်ဝင် ပျားရည်” ကဗျာကဏ္ဍတို့ကိုလည်း တင်ဆက်ထားပါသည်။ အင်္ဂလိပ်စာကဏ္ဍအနေဖြင့် ထိန်းသိမ်းပြုပြင်မှု ချို့တဲ့ခြင်းကြောင့် ပျက်စီးမှုဖြစ်ရခြင်းနှင့် ပတ်သက်၍ အပြန်အလှန်ပြောဆိုပုံကို အသုံးအနှုန်းမတူဘဲ အဓိပ္ပာယ်တူ တင်ပြထားသည်ကို ကလေးတို့ လေ့လာမှတ်သားနိုင်မည်ဖြစ်ပါသည်။
ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၄၀၀ ကျပ် နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။
