ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၄ ခုနှစ်၊ ဇွန်လ ၁ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၆)၊ အမှတ်(၂၂) ၌ သူငယ်ချင်းများက သူ့အပေါ်တွင် မည်သို့ပင် ပြောဆိုဆက်ဆံသော်လည်း သည်းခံကာ ကူညီပေးတတ်သော ပုပုအကြောင်း တင်ဆက်ထားသည့် “သူငယ်ချင်း” မျက်နှာဖုံးကာတွန်း၊ သူငယ်ချင်းတူးမာနှင့်အတူ ပန်းချီသင်တန်းတက်ချင်သည့် ဖိုးလပြည့်အကြောင်း တင်ဆက်ထားသည့် “ဖိုးလပြည့်” နှစ်မျက်နှာကာတွန်း၊ သူငယ်ချင်းများကို အစ‌အနောက်သန်သည့် ‘လင်းသစ်’ အကြောင်း တင်ဆက်ထားသည့်  “လင်းသစ်” တစ်မျက်နှာကာတွန်း၊ ဖေဖေသည် မေမေကလွဲ၍ မည်သည့်အရာမျိုး ကိုမဆို မကြောက်တတ်ဘူးဆိုသည်ကို ကြွားချင်သည့် ဖြိုးရဲအကြောင်း တင်ဆက်ထားသည့် “ကြွားလိုက်မယ်” နှစ်မျက်နှာကာတွန်း၊ ဒုက္ခရောက်နေသူကို ကူညီပေးရမည်မှာ လူငယ်တို့၏ တာဝန်သာ ဖြစ်သင့်ကြောင်း ခံယူထားသော ‘ဖိုးသောကြာ’ အကြောင်း တင်ဆက်ထားသည့် “ကူညီတတ်သော စိတ်” နှစ်မျက်နှာကာတွန်းနှင့် နွေရာသီကျောင်းပိတ်ရက်တွင် ယဉ်ကျေးမှုသင်တန်းတက်၍ မိဘကို ဝိုင်းဝန်း ကူညီ လုပ်ကိုင်ပေးသည့် ဖိုးတစ်တိုအကြောင်း တင်ဆက်ထားသည့် “ဖိုးတစ်တို” မျက်နှာဝက်ကာတွန်း တို့ကို တင်ဆက်ထားပါသည်။

ရွှေသွေးဂျာနယ်ကို   ကိုယ်စားလှယ်အဖြစ်   မှာယူဖြန့်ချိလိုပါက   တစ်စောင်လျှင်   ၄၀၀ ကျပ် နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း- ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။