ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၄ ခုနှစ်၊ ဧပြီလ ၂၇ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၆)၊ အမှတ်(၁၇)၌ ကလေးများအနေဖြင့် မိမိတို့၏လုပ်အားကို တန်ဖိုးထားတတ်စေရန် ပုပု၏ နွေရာသီ လုပ်အားပေးခဲ့ပုံကို တင်ဆက်ထားသည့် “ပုပုပါဝင်သည့် မြင့်မြတ်သော အလုပ်” မျက်နှာဖုံးဇာတ်လမ်း၊ အမှိုက်များကို အမှိုက်ပုံနေရာတွင် စနစ်တကျမစွန့်ပစ်ဘဲ မြစ်ထဲသို့ပစ်ချပါက ဖြစ်ပေါ်လာမည့်  ဆိုးကျိုး များအကြောင်းကို တင်ဆက်ထားသည့် “ဖိုးလပြည့်” နှစ်မျက်နှာကာတွန်း၊ သူတစ်ပါးအသက်ကို သတ်ဖြတ်ပါက မိမိတွင်လည်း ဒုက္ခနှင့် ကြုံတွေ့နိုင်ပုံကို  ရေးဖွဲ့ထားသည့် “ဝဋ်လည်တတ်တယ်” နှစ်မျက်နှာကာတွန်း၊ သူတစ်ပါးကို အနိုင်ကျင့်ပါက မိမိကိုလည်း အနိုင်ကျင့်သူ ပေါ်ပေါက်လာနိုင်ပုံကို ရေးဖွဲ့ထားသည့် “မှတ်ပြီလား” နှစ်မျက်နှာကာတွန်း၊ ကုသိုလ်နှင့် အကုသိုလ်ကို ခွဲခြားသိစေရန် တင်ဆက် ထားသည့် “ပူတင်း- ကုသိုလ်နဲ့ အကုသိုလ်” တစ်မျက်နှာကာတွန်း၊ သူ၏အန်တီကို ကပ်စေးနှဲသည်ဟု ပြောသော သူငယ်ချင်းကို လက်တွေ့သိရှိနိုင်ရန် လုပ်ဆောင်ပေးခဲ့သည့် “ဖိုးတစ်တို” မျက်နှာဝက် ကာတွန်းတို့ကို တင်ဆက်ထားပါသည်။