ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၄ ခုနှစ်၊ ဧပြီလ ၂၀ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၆)၊ အမှတ်(၁၆) ၌ လူသားတွေအတွက် အမောပြေစေပြီး အေးချမ်းမှုကို ပေးစွမ်းသည့် သောက်ရေ အိုးလေးအကြောင်း တင်ဆက်ထားသည့် “ရေအိုးလေးက ရေးတဲ့စာ” မျက်နှာဖုံးကာတွန်း၊ ခွေးကလေး တိုးပွားမှာ ကစားဖော် ဆိတ်ကလေးရရှိသွားသည့်အတွက် ဝမ်းသာသွားသည့်အကြောင်း တင်ဆက်ထား သည့် “ကစား‌ဖော်” နှစ်မျက်နှာကာတွန်း၊ ဖိုးလပြည့်မှာ ဖြစ်ချင်တာတွေ များနေသည့်အတွက် သူငယ်ချင်းက စွယ်စုံရတဲ့ ရုပ်ရှင်မင်းသား လုပ်မှာကိုးဟု နောက်ပြောင်ထားသည့်အကြောင်း တင်ဆက် ထားသည့် “ဖိုးလပြည့်” တစ်မျက်နှာကာတွန်း၊ ကောက်ကျစ်စဉ်းလဲသော မြေခွေးကို အနိုင်ယူကာ စဉ်းစားဆင်ခြင်တတ်သွားသည့် ခြင်္သေ့အကြောင်း တင်ဆက်ထားသည့် “စဉ်းစားဆင်ခြင်တတ်ပြီ” နှစ်မျက်နှာကာတွန်း၊ ကလေးကို မုန့်ကျွေးလိုက်သည့်အတွက် မုန့်များ ပြန်လည်ရရှိသွားသည့် ဖြိုးရဲ အကြောင်းကို တင်ဆက်ထားသည့် “မထူးဆန်းဘူး”  နှစ်မျက်နှာကာတွန်းနှင့် ဘာမေးမေး မသိပါဘူး ဟုသာ ဖြေသော ဖိုးကျော်အကြောင်း တင်ဆက်ထားသည့် ဖိုးကျော်ပါဝင်သည့် “မသိတာတွေ” မျက်နှာဝက်ကာတွန်းတို့ကို တင်ဆက်ထားပါသည်။