ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၃ ခုနှစ်၊ ဇူလိုင်လ ၂၉ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၅)၊ အမှတ်(၃၀)၌ ကျောင်းသားကျောင်းသူများအနေဖြင့် ပညာသင်ယူခြင်း၌ စာကို ကြိုးစားသင်ယူရန် လိုအပ်ရုံသာမက ခန္ဓာကိုယ်ကျန်းမာဖွံ့ဖြိုးရန်အတွက်လည်း လိုအပ်ပုံကို တင်ဆက်ထားသည့် “လွဲမှား ခြင်း” မျက်နှာဖုံးဇာတ်လမ်း၊ မိခင်ထံမှ မုန့်စားရရန် အကြံအဖန်လုပ်ရာမှ ဒဏ်ကျေလိမ်းဆေးသာ လိမ်း ပေးခြင်းခံရသော ဖြိုးရဲအကြောင်းကို တင်ဆက်ထားသည့် “ဖြိုးရဲ- အကြံအဖန်” နှစ်မျက်နှာကာတွန်း၊ မိမိ တို့အပေါ်တွင် ကျရောက်နိုင်သည့် အန္တရာယ်များကို ကာကွယ်ရန်အတွက် သဘာဝက ဖန်တီးထားသော ကိုယ်အင်္ဂါအစိတ်အပိုင်းများကို ကျေနပ်လက်ခံနိုင်စေရန် ယုန်မလေးခိုင်ဇာနှင့် ဥပမာပေးတင်ဆက်ထား သည့်  “အသက်” နှစ်မျက်နှာကာတွန်း၊ သူငယ်ချင်းများအကြား ကြွားဝါပြောဆိုတတ်သော ချက်စူ အကြောင်းကို တင်ဆက်ထားသည့် “ချက်စူရဲ့ ကြွားချက်” နှစ်မျက်နှာကာတွန်း၊ ကိုအောနဲ့ ဘိုစောတို့ သူငယ်ချင်းနှစ်ယောက်၏ ခေါက်ဆွဲကြော်ဝယ်လာပုံအကြောင်းကို ဟာသဖြစ်ဖွယ် တင်ဆက်ထားသည့် “ကိုအောနဲ့ ဘိုစော” တစ်မျက်နှာကာတွန်းနှင့် သူငယ်ချင်းအချင်းချင်း တစ်ဦးနှင့်တစ်ဦး ပူးပေါင်း ဆောင်ရွက်ရာ၌ ကိုယ်လက်အင်္ဂါများနှင့်သာမက နှုတ်မှပြောဆိုပေးခြင်းဖြင့်လည်း ပါဝင်ဆောင်ရွက်နိုင် ကြောင်း တင်ဆက်ထားသည့် “လေနဲ့ကန်” မျက်နှာဝက်ကာတွန်းတို့ကို တင်ဆက်ထားပါသည်။

ကလေးများအတွက် ဗဟုသုတတိုးပွားစေရန်အလို့ငှာ အာကာသအတွင်း၌ ဖြစ်ပွားလျက် ရှိသော မီးတောင်များအကြောင်းကို ဗဟုသုတဖြစ်ဖွယ် တင်ဆက်ထားသည့်  “အာကာသ မီးတောင်များ” သုတ ဆောင်းပါးကို တင်ဆက်ထားပါသည်။ ကလေးများအား သူတို့ပြောလိုသောအကြောင်းအရာများကို ထောက်ခံပြောဆိုရင်းဖြင့် လိမ္မာရေးခြားရှိစေရန် ဆိုဆုံးမပုံကို တင်ဆက်ထားသည့် “အဖြူရောင် သင်္ကေတ” ဝတ္ထုနှင့် သူငယ်ချင်းအပေါ် စိတ်ကောင်းစေတနာထားကာ ဦးစား‌ပေးဆောင်ရွက်တတ်သော မောင်မေတ္တာနှင့် သူငယ်ချင်းဖြစ်သူကို အပြစ်မြင်နေသော မောင်မာနတို့အကြောင်းကို ရေးဖွဲ့ထားသည့် “မောင်မေတ္တာနှင့် မောင်မာန” ပုံပြင်တို့ကို တင်ဆက်ထားပါသည်။ ထို့ပြင် ကလေးတို့ပေးပို့သော ပန်းချီ လက်ရာများကို ထည့်သွင်းဖော်ပြထားသည့်  “ရွှေသွေးတို့လက်ရာ” ကဏ္ဍ၊ ပေးထားသော ရုပ်ပုံလေးကို ကလေးတို့ စိတ်ကြိုက်အရောင်များဖြင့် ခြယ်သနိုင်မည့် “ဆေးရောင်လှလှခြယ်ကြရအောင်” ဉာဏ်စမ်းနှင့် ကလေးများအနေဖြင့် စာများများဖတ်ခြင်းဖြင့် အမှားအမှန်ကို ဝေဖန်ပိုင်းခြားနိုင်ကာ အခက်အခဲများနှင့် ကြုံတွေ့သောအခါတွင်လည်း ရင်ဆိုင်ဖြေရှင်းနိုင်မည်ဖြစ်ကြောင်းကို ရေးဖွဲ့ထားသည့် “စာဖတ် သိမြင်ကြွယ်” ကဗျာတို့ကို တင်ဆက်ထားပါသည်။ အင်္ဂလိပ်စာ သင်ခန်းစာကဏ္ဍအနေဖြင့် ရုပ်ရှင်သွား ကြည့်ရန် တစ်ယောက်နှင့် တစ်ယောက် ချိန်းဆိုပြောဆိုကြပုံကို စကားအသုံးအနှုန်းအမျိုးမျိုးဖြင့် လေ့လာ မှတ်သားနိုင်မည် ဖြစ်ပါသည်။

ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၄၀၀ ကျပ်နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း- ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။