ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂)နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်းထုတ်ဝေလျက်ရှိရာ ၂၀၂၆ ခုနှစ်၊ အောက်တိုဘာလ ၃၀ ရက် (စနေနေ့) တွင် ထွက်ရှိမည့် ရွှေသွေးဂျာနယ် အတွဲ (၅၈)၊ အမှတ် (၄၄) ၌  ပညာရှိ ဦးဇီးကွက်ကြီး၏ လမ်းညွှန် ဆုံးမပေးမှုကြောင့် အမြင်မှန် ရရှိသွားသည့် ကြက်တူရွေး ရွှေဂဲအကြောင်း သရုပ်ဖော်ထားသည့် “စကားပြောသူနဲ့ နားထောင်သူ” မျက်နှာဖုံးကာတွန်း၊ သူတစ်ပါးကို အလွန်နောက်ပြောင်တတ်သော မြဂျိုး၏ အကျင့်ကြောင့်  ခွေးကိုက်ခြင်း ခံလိုက်ရသည်ကို သရုပ်ဖော်ထားသည့် “မြဂျိုး” နှစ်မျက်နှာကာတွန်း၊ ကစားကွင်း လိုက်ပို့ခိုင်းသည့် ဖိုးတစ်တိုနှင့် ရပ်ကွက်ကစားကွင်းသို့ လိုက်ပို့ပေးသည့် သူ၏အဖေတို့အကြောင်းကို သရုပ်ဖော်ထားသည့် “ဖိုးတစ်တို” တစ်မျက်နှာ ကာတွန်း၊ ဖိုးဇော်၏ ဆုံးမမှုကြောင့် သူငယ်ချင်းများအပေါ် အနိုင်ကျင့်သည့် ကိုကြယ်တစ်ယောက် အမြင်မှန်ရသွားသည့်အကြောင်းကို သရုပ်ဖော်ထားသည့် “အနိုင်မကျင့်နဲ့” နှစ်မျက်နှာကာတွန်း၊ ဖားကလေး၏ ဖြတ်ထိုးဉာဏ်ကောင်းမှုကြောင့် မြွေ၏ရန်မှ လွတ်မြောက်သွားပုံကို သရုပ်ဖော်ထားသည့် “ဖားနှင့် မြွေ” နှစ်မျက်နှာကာတွန်းနှင့် အမှိုက်ကို စနစ်တကျ စွန့်ပစ်ရန် အသိပညာပေး ရေးဆွဲထားသည့် “လင်းသစ်” စာမဲ့မျက်နှာဝက်ကာတွန်းတို့ကို တင်ဆက်ထားပါသည်။