ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂)နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်းထုတ်ဝေလျက်ရှိရာ ၂၀၂၆ ခုနှစ်၊ ဧပြီလ ၄ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၈)၊ အမှတ် (၁၄)၌ ကိုယ့်ပတ်ဝန်းကျင် သာယာလှပရန် ကိုယ်တိုင် ကြိုးစားထိန်းသိမ်းရမည်ကို နားလည်သဘောပေါက်သွားသည့် အိအိတို့ မောင်နှမနှစ်ယောက် အကြောင်းကို သရုပ်ဖော်ထားသည့် “တာဝန်ကိုယ်စီ ရှိပါသည်” မျက်နှာဖုံးကာတွန်း၊ အလုပ် လုပ်ခိုင်းထားသည်ကို ပြီးမြောက်အောင် မလုပ်သည့် ညီပုနှင့် ‌ဒေါသဖြစ်သွားသည့် သူ့ဦးလေးတို့ အကြောင်းကို သရုပ်ဖော်ထားသည့် “ညီပု” နှစ်မျက်နှာကာတွန်း၊ ထူးထူးနှင့် ကျော်ကျော်တို့ အရင်တွေ့ထားသည့် ပိုက်ဆံသည် သူတို့၏ လောဘကြောင့် သူတစ်ပါးလက်ထဲသို့ ရောက်ရှိ သွားပုံကို သရုပ်ဖော်ထားသည့် “လောဘကြီးမိလို့” တစ်မျက်နှာကာတွန်း၊ နားနှင့် ပတ်သက်သည့် ကျန်းမာရေး ဗဟုသုတများကို သူငယ်ချင်းများအား မျှဝေပေးသည့် ဖိုးဇော်အကြောင်း သရုပ်ဖော် ထားသည့် “မျှဝေပြောပါ” နှစ်မျက်နှာကာတွန်း၊  မသင်္ကာစရာ လူကြီးနှစ်ဦးကို ဖမ်းဆီးရန် ကြိုးစားကြရာမှ လွဲမှားမှုဖြစ်ခဲ့ကြသည့်  ဖြိုးရဲနှင့် သူ၏ သူငယ်ချင်းတို့အကြောင်း သရုပ်ဖော်ထား သည့် “လွဲပြန်ပြီ” နှစ်မျက်နှာကာတွန်းနှင့် သူများအိမ်က သတင်းစာကို ချီလာတတ်သည့် ခွေးလေးအောင်နက်ကျော်နှင့် ခွေးပိုင်ရှင် ပန်ပန်တို့အကြောင်းကို ဟာသဖြစ်ဖွယ် သရုပ်ဖော်ထား သည့် ကာတွန်း ပီတီကေ၏ “ပန်ပန်နှင့် အောင်နက်ကျော်” မျက်နှာဝက်ကာတွန်းတို့ကို တင်ဆက်ထားပါသည်။

ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၄၀၀ ကျပ် နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။