ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၆ ခုနှစ်၊ စက်တင်ဘာလ ၂၆ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၈)၊ အမှတ် (၃၉) ၌ အလုပ်တစ်ခုကို လုပ်ဆောင်ရာ၌ အချိန်ကာလကိုလိုက်၍ ချင့်ချိန်ဆောင်ရွက် သင့်ပုံကို သရုပ်ဖော်ထားသည့် “ပိုပိုနဲ့ငယ်ငယ်” မျက်နှာဖုံးကာတွန်း၊ မိမိတို့၏ တစ်ကိုယ်ရေသန့်ရှင်းမှုကို ဂရုတစိုက်လုပ်ဆောင်ပါက ကျန်းမာပျော်ရွှင်သောဘဝကို ရနိုင်ကြောင်း သရုပ်ဖော်ထားသည့် “ဖိုးကောင်း- နှင်းနှင်းနဲ့ ဝေယံပါဝင်တဲ့ တစ်ကိုယ်ရေ သန့်ရှင်းခြင်းအကျိုး” နှစ်မျက်နှာကာတွန်း၊ မိမိတို့မျိုးနွယ်၏ အမွေးအတောင်များမှာ မည်းနက်နေသော်လည်း အရေးကြုံ လာပါက အချင်းချင်း ကူညီတတ်မှု၊ ဝေမျှ စားသောက်တတ်မှုနှင့် အချင်းချင်း စည်းလုံးညီညွတ်မှု ရှိခြင်းတို့ကြောင့် ဂုဏ်ယူဖွယ်ရာ မျိုးနွယ်ဖြစ် ကြောင်းကို နားလည်သွားခဲ့သော ကျီးကန်းမည်းတူ အကြောင်းကိုသရုပ်ဖော်ထားသည့် “မည်းတူ” နှစ်မျက်နှာကာတွန်း၊ အခြားသူများကို သတိပေး နှိုးဆော်တတ်သော်လည်း မိမိကိုယ်တိုင်ကမူ အလုပ်ကို စေ့စေ့စပ်စပ် မလုပ်ကိုင်နိုင်သော မြဂျိုး အကြောင်းကို သရုပ်ဖော်ထားသော “မြဂျိုး၏ ဆွမ်းချိုင့်” နှစ်မျက်နှာကာတွန်း၊ အခြားသူများကို အတုယူကာ လှချင်လွန်းသော ဟန်သီမအကြောင်းကို သရုပ်ဖော်ထားသည့် “ဟန်သီမ” တစ်မျက်နှာကာတွန်းနှင့် ပူတင်း၏ သူငယ်ချင်းမှာ စကားနည်းသော်လည်း အစား အလွန်ကြီး ကြောင်းကို သရုပ်ဖော်ထားသည့် “ပူတင်း- မနည်းတာ တစ်ခုတော့ ရှိတယ်” မျက်နှာဝက် ကာတွန်းတို့ ပါဝင်ပါသည်။ သုတဆောင်းပါးကဏ္ဍတွင် အက်ဆစ်မိုးဟူသည့် ဝေါဟာရ စတင်ဖြစ်ပေါ်လာပုံနှင့် အက်ဆစ်မိုး၏ ဆိုးကျိုးများအကြောင်းကို ဗဟုသုတရဖွယ် ရေးသားထားသည့် “အက်ဆစ်မိုး ဆိုသည် မှာ” သုတ ဆောင်းပါး၊ မိဘများနှင့် အတူမနေရသော်လည်း ကိုရင်တုတ်ပေါ၏ဉာဏ်ရည် ထက်မြက်မှု နှင့် ကြိုးစားမှု တို့ကြောင့် လူအများ ရိုသေလေးစားရသော ကျောင်းထိုင်ဘုန်းကြီးတစ်ပါး ဖြစ်လာပုံကို ရေးသားထားသည့် “ကိုရင်တုတ်ပေါ” ပုံပြင်နှင့် ဆရာ၊ ဆရာမများ၏ တပည့်များအပေါ် အနစ်နာခံ ဆောင်ရွက်ပေးနိုင်ပုံများကို ရေးသားထားသည့် “နားလည်ခဲ့ရသော နာ- တစ်နာ” ဝတ္ထုတို့ ပါဝင်ပါ သည်။ ထို့ပြင် စာပေ၊ ဂီတ၊ သဘင်၊ ရုပ်ရှင် စသည့် ယဉ်ကျေးမှုအမွေအနှစ်များကို အများပြည်သူများ ကြည့်ရှုလေ့လာနိုင်စေရန် ရည်ရွယ်၍ ဖွင့်လှစ်ပြသထားသည့် စာဆိုဗိမာန်သို့ လာရောက်လေ့လာ နိုင်ရန် ဖိတ်ခေါ်ထားသည့် ကြော်ငြာနှင့် အသိပညာ တိုးပွားစေရန် စာကြည့်တိုက်သို့သွားကာ စာအုပ် စာပေများ လေ့လာဖတ်ရှုသင့်ကြောင်း တိုက်တွန်း ရေးဖွဲ့ထားသည့် “စာကြည့်တိုက်မှာ နားခိုပါ” ကဗျာတို့ပါဝင်ပါသည်။ အင်္ဂလိပ်စာကဏ္ဍအနေဖြင့် အီဒီယမ်များအပါအဝင် Two-word Verb ဟု ခေါ်သော Phrasal Verb များ၏ အသုံးများနှင့် ပတ်သက်သည်များကို လေ့လာမှတ်သားနိုင်မည်ဖြစ်ပါသည်။ 

ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၄၀၀ ကျပ်နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း- ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။