ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂)နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်းထုတ်ဝေလျက်ရှိရာ ၂၀၂၆ ခုနှစ်၊ မေလ ၁၆ ရက် (စနေနေ့)တွင် ထွက်ရှိမည့် ရွှေသွေး ဂျာနယ် အတွဲ (၅၈)၊ အမှတ် (၂၀)၌ စာဖတ်ဝါသနာပါသည့် ကောက်ရိုး၏ စဉ်းစားဉာဏ်ကြောင့် ဘိုးတော်အ‌ယောင်ဆောင်ထားသော လူဆိုးဖိုးရှုပ်ကို ဖမ်းဆီးမိသွားသည့်အကြောင်း သရုပ်ဖော် ထားသည့် “စာကြမ်းပိုး ကောက်ရိုး” မျက်နှာဖုံးကာတွန်း၊ ဆရာပေးသည့် အကြံကြောင့် ဖတ်ပြီး သား စာအုပ်များကို စာကြည့်တိုက်သို့ သွားရောက်လှူဒါန်းမည့် ထူးထူးနှင့် ဝတုတ်တို့အကြောင်း သရုပ်ဖော်ထားသည့်  “ထူးထူးပါဝင်သော စာအုပ်စာပေ လူ့မိတ်ဆွေ” နှစ်မျက်နှာကာတွန်း၊ အတိတ်နှင့် အနာဂတ်အကြောင်းကို မေ့ခိုင်းထား၍ လက်ရှိပစ္စုပ္ပန်၌ ပျော်ရွှင်စွာ နေထိုင်သင့် ကြောင်း အကြံပြုသည့် နီကြောင်နှင့် ညီပုတို့ သူငယ်ချင်းနှစ်ယောက်အကြောင်း သရုပ်ဖော် ထားသည့် “ညီပု” တစ်မျက်နှာကာတွန်း၊ အလုပ်ကို ပေါ့လျော့စွာ လုပ်လိုက်မိသဖြင့် အခက်အခဲ တွေ့ရသည့် ကိုဇော်နှင့် ညီသော်တို့အကြောင်း သရုပ်ဖော်ထားသည့် “ပေါ့လျော့မှု” နှစ်မျက်နှာ ကာတွန်း၊ တောဝက်၏ ကြိုတင်ပြင်ဆင်မှုကြောင့် ကောက်ကျစ်သော မြေခွေးအုပ်စုတို့၏ အန္တရာယ်မှ လွတ်မြောက်သွားပုံကို သရုပ်ဖော်ထားသည့် “ကြိုတင်ပြင်ဆင် အောင်ပွဲဝင်” နှစ်မျက်နှာကာတွန်းနှင့် ဗိုက်ထဲမှ အူများ၊ အသည်းများ ပြောင်းပြန်ဖြစ်ကုန်မည်စိုး၍ ကျွမ်းမထိုး လိုသည့် ပိုင်ပိုင်လေးအကြောင်း သရုပ်ဖော်ထားသည့် “ပိုင်ပိုင်လေးပါဝင်သည့် ကျွမ်းမထိုးရဲဘူး” မျက်နှာဝက်ကာတွန်းတို့ကို တင်ဆက်ထားပါသည်။