ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၄ ခုနှစ်၊ အောင်တိုဘာလ ၁၉ ရက် (စနေနေ့)တွင် ထွက်ရှိသည့် ရွှေသွေးဂျာနယ် အတွဲ(၅၆)၊ အမှတ်(၄၂)၌ အိမ်အသုံးစရိတ်ကို ချွေတာစုဆောင်းတတ်သော ညီမအလိမ္မာကြောင့် ကြီးပွား ချမ်းသာသွားသော ထင်းခုတ်သမားမောင်နှမနှစ်ယောက်အကြောင်း တင်ဆက်ထားသည့် “ချွေတာ စုဆောင်း” မျက်နှာဖုံးကာတွန်း၊ နှမြောတွန့်တိုတတ်သော သူငယ်ချင်းကို ပြန်လည်ကလဲ့စားချေရာက တလွဲဖြစ်ခဲ့ရပုံအကြောင်း တင်ဆက်ထားသည့် “ကီးကီ၊ ဂျိုးဂျိုးနဲ့ ကလဲ့စားချေခြင်း၏ ရလဒ်” နှစ်မျက်နှာ ဟာသကာတွန်း၊ ‘အတုမြင် အတတ်သင်’ ဆိုသည့် စကား၏ အဓိပ္ပာယ်အကြောင်း သရုပ်ဖော်ရေးဖွဲ့ ထားသည့် “အမေပြောသော ပုံပြင်များ”  နှစ်မျက်နှာကာတွန်း၊ မစဉ်းစား မဆင်ခြင်ဘဲ နှမြောမိရာက ဆုံးရှုံးမှုများစွာ ဖြစ်ခဲ့ရသော ကုန်သည်ကြီး တစ်ဦးအကြောင်း တင်ဆင်ထားသည့် “နှမြောမိလို့” နှစ်မျက်နှာကာတွန်း၊ သူငယ်ချင်း အချင်းချင်း ဉာဏ်စမ်းမေးတမ်းကစားခြင်းသည် ပျော်စရာကောင်း ကြောင်း သရုပ်ဖော်ထားသည် “ပန်ပန်နဲ့ ဉာဏ်စမ်း ပဟေဠိ” တစ်မျက်နှာကာတွန်းနှင့် အဖေဖြစ်သူကို တီဗွီအသစ်တစ်လုံးဝယ်ရန် အကြံပြုလိုက်သော ဘယ်ကျော်အကြောင်း တင်ဆက်ထားသည့် “ဘယ်ကျော်” မျက်နှာဝက်ဟာသကာတွန်းတို့ကို တင်ဆက်ထားပါသည်။