ဆက်စပ် စာအုပ်များ
စာအုပ်အမည် - “မီးငှက်တစ်ကောင်ရဲ့ ခြင်္သေ့လည်ပြန်”
စာရေးဆရာအမည် - တောင်တွင်းကိုရင်ဩ
တန်ဖိုး - ၁၄၀၀
- စာညွှန်း -
"တောင်တွင်းကိုရင်ဩ" ရေးသားသည့် “မီးငှက်တစ်ကောင်ရဲ့ ခြင်္သေ့လည်ပြန်” စာအုပ်သစ်ကို စာပေဗိမာန်က ထုတ်ဝေဖြန့်ချိ လိုက်ပြီဖြစ်ပါသည်။
အဆိုပါစာအုပ်သည် ၂ဝ၁၅ ခုနှစ်အတွက် စာပေဗိမာန်စာမူဆုပြိုင်ပွဲတွင် ဝတ္ထုရှည် ဒုတိယဆုရ စာမူဖြစ်ပြီး စာပေဗိမာန်က ပြည်သူ့လက်စွဲစာစဉ်အဖြစ် ထုတ်ဝေဖြန့်ချိလိုက်ခြင်း ဖြစ်သည်။
“မီးငှက်တစ်ကောင်ရဲ့ ခြင်္သေ့လည်ပြန်” စာအုပ်သည် လူငယ်ဝတ္ထုပီသစွာ လူငယ်များ၏ ဗလငါးတန်အတွက် ပညာစွမ်းဖြင့် လမ်းမှန်ပို့ဆောင်ပေးသော ရသမြောက် စာအုပ်ကောင်း တစ်အုပ်ဖြစ်ပါသည်။
မြန်မာလူငယ်များ ပြည်ပနိုင်ငံတွင် ဝမ်းစာရှာဖွေနေကြပုံ၊ ထိုသို့ရှာဖွေရာမှ လောဘနွံအတွင်း သက်ဆင်းမိပုံ၊ ပြည်ပနိုင်ငံမှ ဥပဒေအရနာခံရပုံ၊ သို့တိုင် မြန်မာ့စိတ်ရင်းအတိုင်း အရာရာအပေါ် ကူညီဖေးမတတ်ပုံ၊ ပြစ်ဒဏ်မှလွတ်ကင်းချိန်တွင် အမှောင်နယ်ပယ်အတွင်း ထပ်မံသက်မဆင်းတော့ဘဲ သမ္မာအာဇီဝနည်းဖြင့် လုပ်ကိုင်ကြိုးစားခဲ့ပုံတို့ကို ရင်သပ်ရှုမောဖွယ် ဖတ်ရှုခံစားကြရပေမည်။
အဆိုပါစာအုပ်ကို တန်ဖိုး ၁၄၀၀ ကျပ်ဖြင့် အမှတ် ၅၂၉-၅၃၁၊ ကုန်သည်လမ်း၊ ရန်ကုန်မြို့ (ဖုန်း ဝ၁-၈၂၄၉၀၃၁၊ ဝ၁-၈၃၈၁၄၄၈) စာပေဗိမာန်စာအုပ်ဆိုင်က ဖြန့်ချိပြီး နေပြည်တော် သပြေကုန်းစျေးရှိ စာပေဗိမာန်စာအုပ်ဆိုင် (ဖုန်း ဝ၆၇-၃၄၁၄၆၈၁)၊ မန္တလေးမြို့ ၈၆ လမ်း (၂၁ လမ်းနှင့် ၂၂ လမ်းကြား) ရှိ စာပေဗိမာန်စာအုပ်ဆိုင် (ဖုန်း ဝ၂-၄၀၃၀၁၈၆) တို့နှင့် အမြို့မြို့ရှိ စာပေဗိမာန် ကိုယ်စားလှယ်ဆိုင်များတွင် ဝယ်ယူရရှိနိုင်ပါသည်။ လက်ကားမှာယူလိုပါက အမှတ် ၅၂၉-၅၃၁၊ ကုန်သည်လမ်း၊ ရန်ကုန်မြို့ (ဖုန်း ဝ၁-၈၂၄၉၀၃၁၊ ဝ၁-၈၃၈၁၄၄၈) စာပေဗိမာန် စာအုပ်ဆိုင်သို့ ဆက်သွယ်နိုင်ကြောင်း သိရသည်။
