ရွှေသွေးဂျာနယ်

(၇-၁-၂၀၁၇) ရက်ထုတ် ရွှေသွေးဂျာနယ် အတွဲ (၄၉)၊ အမှတ် (၁) ထွက်ရှိ

တန်ဖိုး - ၂၅၀ကျပ်

ပြန်ကြားရေး၀န်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးက အသက် (၁၂) နှစ် အောက် ကလေးများ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတေ်၀လျက်ရှိရာ ၂၀၁၇ ခုနှစ်၊ ဇန်နဝါရီလ၊ ၇ ရက် (စနေနေ့) တွင် ထွက်ရှိမည့် ရွှေသွေးဂျာနယ် အတွဲ (၄၉)၊ အမှတ် (၁) ၌ မြန်မာ့လွတ်လပ်ရေး ကြိုးပမ်းစဉ်က ထင်ရှားကျော်ကြားခဲ့သော မျိုးချစ်ပုဂ္ဂိုလ်ဆရာစံ၏ တောင်သူလယ်သမားအရေးတော်ပုံကို ကလေးများ ဗဟုသုတဖြစ်ဖွယ် တင်ဆက်ထားပါသည်။ စိတ်ကောင်းနှလုံးကောင်းရှိသူ ဘဲလေး၏ သတိပေး စကားကြောင့် အန္တရာယ် ကျရောက်တော့မည့် ဘဲတစ်အုပ်ကို အချိန်မီကယ်တင်လိုက်နိုင်ပုံနှင့် ဇွဲမလျှော့ အားမပျော့သည့် သမင်လေး အသက်ချမ်းသာရာရသွားပုံကို နှစ်မျက်နှာဇာတ်လမ်းတို့ဖြင့် တင်ဆက်ထားပါသည်။

မြန်မာစာစကားလုံးများကို သုံးစွဲရာ၌ စကားလုံးတစ်လုံးတည်းသည်ပင် သုံးနှုန်းပုံအဓိပ္ပာယ် အမျိုးမျိုး ရှိပုံနှင့် မကွေးမင်းကြီး၏ သတ်ထူးကဗျာတို့ကို မြန်မာစာစကားဝိုင်းကဏ္ဍတွင် သိရှိမှတ်သားနိုင်မည်ဖြစ်ပြီး ကလေးပုံပြင်ကဏ္ဍတွင်လည်း မြင်းလိမ္မာနှင့် သူ့သခင်တို့ ဇာတ်ကြောင်းလေးကိုဖတ်ရှု၍ ချစ်ခင်နှစ်သက်ဖွယ် သိင်္ဂါရရသနှင့် သနားကရုဏာသက်ဖွယ် ကရုဏာရသတို့ကို ခံစားရမည် ဖြစ်ပါသည်။ ထို့အပြင် ဇန်နဝါရီလအတွင်း မှတ်သားဖွယ်ရာနေ့များ အကြောင်းကို ဗဟုသုတရဖွယ် တင်ဆက်ထားပြီး ကလေးများ စိတ်ကြိုက် ဆေးပန်းချီခြယ်မှုန်း နိုင်မည့် ''ဆေးရောင်လှလှခြယ်ကြရအောင်'' ကဏ္ဍကိုလည်း ထည့်သွင်းထားပါသည်။

ကလေးတို့ အင်္ဂလိပ်စာအရည်အသွေး တိုးတက်ကောင်းမွန်စေရန် ရွှေသွေးစကားဝိုင်းကဏ္ဍတွင် 'Paying compliments' ဟူသော ချီးမွမ်းစကား၊ ချီးကျူးစကား ပြောဆိုပုံအမျိုးမျိုးကို တင်ဆက်ထားပြီး အင်္ဂလိပ်သဒ္ဒါ ကဏ္ဍတွင် 'look' ၏ အသုံးပြုပုံနှင့် သဒ္ဒါစည်းမျဉ်းဆိုင်ရာ တည်ဆောက်ပုံတို့ကို တင်ဆက်ထားရာ ကလေးတို့ အင်္ဂလိပ်စာ အခြေခံကောင်းမွန်လာစေရန် အထောက်အကူပြုမည်မှာ အမှန်ပင်ဖြစ်ပါသည်။
(၇-၁-၂၀၁၇) စနေနေ့တွင် ထွက်ရှိမည့် ရွှေသွေးဂျာနယ်ကို ရန်ကုန်၊ မန္တလေး၊ နေပြည်တော် (သပြေကုန်းဈေး) ရှိ စာပေဗိမာန်စာအုပ်အရောင်းဆိုင်တို့နှင့် အမြို့မြို့အနယ်နယ်ရှိ စာအုပ်ဆိုင်များတွင် ၀ယ်ယူ ရရှိနိုင်ပါသည်။ မူရင်းဈေးနှုန်းမှာ ၂၅ဝိ/- ဖြစ်ပါသည်။