စာအုပ်အမည် - “စာရူးပေရူးမလေးနှင့် လူငယ်ဝတ္ထုတိုများ”

စာရေးဆရာအမည် - ထွဋ်ဦးဇေယျာ

တန်ဖိုး - ၄၅၀၀

စာညွှန်း -

“ထွဋ်ဦးဇေယျာ” ရေးသားသည့် “စာရူးပေရူးမလေးနှင့် လူငယ်ဝတ္ထုတိုများ” စာအုပ်ကို စာပေဗိမာန်က ထုတ်ဝေဖြန့်ချိ

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်က စာပေဗိမာန်စာမူဆု၊ လူငယ်စာပေ ဒုတိယဆုရရှိသည့် စာရေးသူ "ထွဋ်ဦးဇေယျာ" ၏ “စာရူးပေရူးမလေးနှင့် လူငယ်ဝတ္ထုတိုများ” စာအုပ်ကို ဖြန့်ချိရောင်းချလျက်ရှိသည်။

ယင်းစာအုပ်တွင် စာရူးပေရူးမလေး၊ စာအုပ်များနှင့် စကားပြောသူ၊ စာမှပေးသောအသက်၊ ပရဟိတမယ် စသည့် ဝတ္ထုတို ၁၅ ပုဒ် ပါဝင်သည်။ ‘စာရူးပေရူးမလေး’ ဝတ္ထုတိုတွင် စာဖတ်ခြင်းသည် ဦးနှောက်ကို သွေးခြင်းဖြစ်ပြီး စာမဖတ် မသွေးလျှင် ဦးနှောက်သံချေးတက်သွားနိုင်ပုံ၊ စာပေဖတ်ရှုပြီး ဗဟုသုတတိုးပွား၊ အကျိုးအကြောင်းရှုမြင်ဆင်ခြင်နိုင်ခြင်းကြောင့် သနားစရာ ကလေးမလေးကို ကယ်တင်နိုင်ခဲ့ပြီး လူယုတ်မာကို ဖမ်းဆီးနိုင်ခဲ့ပုံ၊ ‘စာအုပ်များသည် မည်သည့် အခါမျှ ဆုံးရှုံးမှုပေးမည်မဟုတ်သော မိတ်ဆွေများဖြစ်သည်’ဟု ဇာတ်ဆောင် ခင်ပိုးမက ဒိုင်ယာရီမှာ ရေးထားသလို၊ စာရူးပေရူးမလေးဘဝခံယူကာ စာမျိုးစုံကို ဖတ်ရှုလေ့လာရင်း အခက်အခဲမျိုးစုံ၊ အန္တရာယ်မျိုးစုံကို ကူညီဖြေရှင်းပေးခဲ့ပုံများ၊ စာကြမ်းပိုးမလေး၊ ပရဟိတမယ်ဟူသော နာမည်ကို ခံယူကာ အများအကျိုးပြုလုပ်ငန်းများကို ဆောင်ရွက်နေပုံ၊ ‘မာတင်လူသာကင်း’ ၏ ‘ဘာပဲလုပ်လုပ် အကောင်းဆုံးလုပ်ပါ’ဟူသောစာပေစကားကြောင့် အသိပွားတရားရစရာ လက်သမားပုံပြင်ကလေး အပါအဝင် ဘဝဆိုသည်မှာ ကိုယ်တိုင်ထုဆစ်ထားသော လက်ရာဖြစ်သဖြင့် ဘာပဲလုပ်လုပ် အကောင်းဆုံး လုပ်ကြစေချင်ကြောင်း၊ ‘ခေါင်းဆောင်ဆိုသည်မှာ စကားလုံးများနှင့် လေ့ကျင့်တည်ဆောက်၍မရ စိတ်နေသဘောထားနှင့် အလုပ်ဖြင့်တည်ဆောက်ရမည်’ ‘ကမ္ဘာ ကြီးဟာ စာအုပ်တစ်အုပ်ပါပဲ။ ကျွန်ုပ်တို့ လှမ်းလိုက်သော ခြေလှမ်းတိုင်းသည် ကျွန်ုပ်တို့အတွက် စာမျက်နှာသစ်တစ်ရွက်ပါပဲ’ ဟူသော စာဆိုတော်ကြီးများ၏ အဆိုအမိန့်များကို ဦးတည်ကာ လူငယ် ဝတ္ထုတိုလေးများအဖြစ်ရေးဖွဲ့ထားသည့် စာအုပ်ကောင်းတစ်အုပ် ဖြစ်ပါသည်။

အဆိုပါစာအုပ်ကို ရောင်းဈေး  (၄၅ဝဝ) ကျပ်ဖြင့် အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁၈-၂၄၉၀၃၁၊ ၀၁၈-၃၈၁၄၄၈)၊ အမှတ် (တ- ၅၅)၊ သပြေကုန်းစျေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁၊ ၀၉-၄၄၉၅၄၀၆၆၇)၊ ၈၆ လမ်း၊ ၂၁ လမ်းနှင့် ၂၂ လမ်းကြား၊ မန္တလေးမြို့ရှိ စာပေဗိမာန်စာအုပ်ဆိုင် (ဖုန်း ၀၂-၄၀၃၀၁၈၆) နှင့် အမြို့မြို့ရှိ စာပေဗိမာန် ကိုယ်စားလှယ်များထံတွင် ဆက်သွယ်ဝယ်ယူနိုင်ကြောင်းနှင့် လက်ကားမှာယူလိုပါက အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်၊ အရောင်းဌာန (ဖုန်း ၀၁၈-၂၄၉၀၃၁၊                       ၀၁၈-၃၈၁၄၄၈) သို့ ဆက်သွယ်နိုင်ကြောင်း သတင်းရရှိသည်။