ရွှေသွေးဂျာနယ်

(၅-၁၁-၂၀၁၆) ရက်ထုတ် ရွှေသွေးဂျာနယ် အတွဲ (၄၈)၊ အမှတ် (၄၅) ထွက်ရှိ

တန်ဖိုး - ၂၅၀ကျပ်

ပြန်ကြားရေး၀န်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာန၊ စာပေဗိမာန်ရုံးက ကလေးစာစောင် ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၁၆ ခုနှစ်၊ နို၀င်ဘာလ၊ ၅ ရက် (စနေနေ့) တွင် ထွက်ရှိမည့် ရွှေသွေးဂျာနယ် အတွဲ (၄၈)၊ အမှတ် (၄၅) တွင် အပျင်းမဖက်၊ အလွယ်မလိုက်ဘဲ မိမိသွားလိုရာ ပန်းတိုင်ကို ခက်ခဲကြမ်းတမ်းနေသည့်တိုင် ရောက်အောင် သွားသင့်ပုံကို မျက်နှာဖုံးဇာတ်လမ်းဖြင့် တင်ဆက်ထားပါသည်။ ထို့ပြင် မည်သည့်ကိစ္စမဆို ဂဃနဏမသိဘဲ အဆောတလျင် ဆောင်ရွက်ခြင်းမပြုရန်နှင့် ဆရာ၊ ဆရာမများ၏ ဂုဏ်ကျေးဇူးကို သိနားလည်ရန် ဖော်ကျူးထားသော နှစ်မျက်နှာဇာတ်လမ်းများလည်း ပါရှိပါသည်။
မြန်မာစာစကားဝိုင်းကဏ္ဍတွင် ရေအိမ်ကို စနစ်တကျသုံးစွဲတတ်ရန် ပညာပေးထားပြီး မရှိလျှင် တောင့်တ၍ ရှိလျှင် ကြောင့်ကြနေတတ်သည့် လူ့စိတ်သဘောကို ကလေးပုံပြင်ကဏ္ဍတွင် တင်ဆက်ထားပါသည်။ ထို့ပြင် ကလေးများ မျက်စိလျင်မှုနှင့် တိကျသေချာမှုကို စမ်းသပ်သည့် ရှာဖွေလေလေ တွေ့ရှိလေလေ ကဏ္ဍသစ်နှင့် ကလေးများဉာဏ်ထက်မြက်ရေးကို ဦးတည်သည့် စက္ကူခေါက်ကစားနည်းများကို ထပ်မံတင်ဆက်ထားပါသည်။
ကလေးများ အင်္ဂလိပ်စကားပြော လေ့လာနိုင်ရန်လည်း ဆိုင်တစ်ဆိုင်၌ အစားအစာ မှာယူ စားသောက်ရာတွင် ပြောဆိုသုံးနှုန်းပုံများကို တင်ဆက်ထားသည့် ရွှေသွေးစကားဝိုင်းကဏ္ဍကို ဖတ်ရှုရမည့်အပြင် has/have ၏ သဒ္ဒါစည်းမျဉ်းဆိုင်ရာ မူလတည်ဆောက်ပုံနှင့် အခြေအနေ အချိန်အခါကိုလိုက်၍ သုံးနှုန်းရသော အသုံးအနှုန်းကွဲများကို အလွယ်တကူလေ့လာနိုင်ရန် ရှင်းလင်းချက်များဖြင့် ပြည့်ပြည့်စုံစုံတင်ဆက်ထားပါသည်။ ထို့အပြင် အင်္ဂလိပ်စာဝေါဟာရ တိုးစေရန် ကလေးများ၏ ကျောင်းသုံးပစ္စည်းလေးများကို အင်္ဂလိပ်-မြန်မာတွဲ၍ ဖော်ပြထားသည့် ကဏ္ဍလည်း ပါရှိသဖြင့် ကလေးများ အကြိုက်တွေ့မည်မှာ သေချာပါသည်။
 (၅-၁၁-၂၀၁၆) စနေနေ့တွင် ထွက်ရှိမည့် ရွှေသွေးဂျာနယ်ကို ရန်ကုန်၊ မန္တလေး၊ နေပြည်တော် (သပြေကုန်းဈေး)ရှိ စာပေဗိမာန်စာအုပ်အရောင်းဆိုင်တို့ နှင့် အမြို့မြို့အနယ်နယ်ရှိ စာအုပ်ဆိုင်များတွင် ၀ယ်ယူရရှိနိုင်ပါသည်။ မူရင်းဈေးနှုန်းမှာ ၂၅ဝိ/- ဖြစ်ပါသည်။