ရွှေသွေးဂျာနယ်

¬ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဩဂုတ်လ ၂၃ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၇)၊ အမှတ်(၃၄)၌ တစ်ကောင်နှင့် တစ်ကောင် သွေးစည်းညီညွတ်စွာ နေထိုင်လျက်ရှိရာမှ မြေခွေး၏ သွေးခွဲမှုကြောင့် နောက်ဆုံးတွင် ခြင်္သေ့၏ စားသောက်ခြင်းကို ခံခဲ့ရသော ကျွဲလေးကောင်အကြောင်းကို သရုပ်ဖော်ထားသည့် “စည်းလုံးခြင်းသည်” မျက်နှာဖုံးကာတွန်း၊ ရိုးအလွန်းသော ဖိုးလုံးကို မြို့သို့ ခေါ်ခဲ့မိ သော သူငယ်ချင်းဖြစ်သူအကြောင်းကို သရုပ်ဖော်ထားသည့် “ရိုးလွန်းတော့ အ” နှစ်မျက်နှာကာတွန်း၊ သူငယ်ချင်းများနှင့် ကစားသွားချင်သောကြောင့် မိခင်က ဈေးဝယ်ခိုင်းသည်ကို တမင် ပစ္စည်းများ မှားဝယ် လာသည့် လင်းထက်အကြောင်းကို သရုပ်ဖော်ထားသည့် “လင်းထက်- အမှားများ”  နှစ်မျက်နှာကာတွန်း၊  ရွှေပဲ၏ ပန်းသီးနှင့် မာလကာသီးတို့ကို ပေါင်းစပ်ကာ ပန်းမာလကာသီးအဖြစ် စမ်းသပ်ရာမှ အသီးများ၏ အချိုရည်များကို ပုရွက်ဆိတ်များသာ လာရောက်စားသောက်နေကြပုံအကြောင်းကို ဟာသဖြစ်ဖွယ် သရုပ်ဖော်ထားသည့် “ရွှေပဲ” နှစ်မျက်နှာကာတွန်း၊ ကျန်းမာရေးကောင်းမွန်ပြီး ဉာဏ်ထက်မြက်စေရန် အချိန်မှန်မှန် အိပ်ရာမှထသင့်ကြောင်း ဟာသဖြစ်ဖွယ် သရုပ်ဖော်ထားသည့် “ဂျာရစ်- မောင်ရွှေသွေး” တစ်မျက်နှာကာတွန်းနှင့် အင်္ဂလိပ်သရ ၅ လုံးကို ပြောပြခိုင်းသော်လည်း ဆရာအသံထွက်သည့် vowel ၅ လုံး ကိုသာ ပြန်ဖြေခဲ့သည့် ချက်ပုအကြောင်းကို သရုပ်ဖော်ထားသည့် “ချက်ပု” မျက်နှာဝက်ကာတွန်းတို့ ပါဝင်ပါသည်။