ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဇူလိုင်လ ၂၆ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၇)၊ အမှတ်(၃၀)၌ တစ်ပါးသူ အသက်ရှင်ဖို့အတွက် ကိုယ်ကျိုးစွန့်သွားသည့် နှင်းစက်လေးအကြောင်း သရုပ်ဖော်ထားသည့် “နှင်းစက်လေး” မျက်နှာ ဖုံးကာတွန်း၊ တော်သလင်းလ၏ ထူးခြားချက်များအကြောင်းကို ခင်ခင်ပြူးနှင့် သူငယ် ချင်းများ ပြောထားသည်ကို သရုပ်ဖော်ထားသည့် “ဂန္ထဝင် ခင်ခင်ပြူးနှင့် အပေါင်းအသင်းများ” နှစ်မျက်နှာ ကာတွန်း၊ ကျောင်းပိတ်ရက်တွင် အမေကို ဝိုင်းကူလုပ်ပေးသော ဖိုးတစ်တိုအကြောင်း သရုပ်ဖော် ထားသည့် “ဖိုးတစ်တို” တစ်မျက်နှာကာတွန်း၊ မိဘ၏ ဆုံးမစကားကို နားထောင်ပြီး လိုက်နာ လုပ်ဆောင်သည့်အတွက် ကျန်းမာရေး ကောင်းကျိုးများ ရရှိသွားသည့် ဖိုးဇော်အကြောင်း သရုပ်ဖော်ထားသည့် “ကျန်းမာခြင်းရဲ့ လာဘ်တစ်ပါး” နှစ်မျက်နှာကာတွန်း၊ ကျောင်းဆရာ ဦးအောင်ကြီး၏ စုံစမ်းပေးမှုကြောင့် ရဲများ အလိုရှိနေသော ဝရမ်းပြေး ဝစိန်ကို ဖမ်းမိသွားသည့် အကြောင်း သရုပ်ဖော်ထားသည့် “ကျောင်းဆရာစုံထောက် ဦးအောင်ကြီး” နှစ်မျက်နှာ ကာတွန်း နှင့် ကျောင်းတွင် ဆရာမမေးသည့် မေးခွန်းကို မှားဖြေလိုက်မိသည့် ပိုင်ဇင်သန့် အကြောင်းကို သရုပ်ဖော်ထားသည့် “ပိုင်ဇင်သန့်-တနဲ့ထ” မျက်နှာဝက်ကာတွန်းတို့ ပါဝင်ပါသည်။