ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဇူလိုင်လ ၁၉ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၇)၊ အမှတ်(၂၉)၌ ကလေးများ မိုးဦးကျအချိန်တွင် မိုးလေများကျရောက်စဉ် ကစားပါက အန္တရာယ်ကြုံတွေ့နိုင်ပုံနှင့် မိဘစကားကို နားထောင်ပါက ကောင်းကျိုးများကိုသာ ခံစားရနိုင် ပုံကို သရုပ်ဖော်ထားသည့် “ချက်စူပါဝင်သော မိုးဦးအန္တရာယ်” မျက်နှာဖုံးကာတွန်း၊ လိပ်ကလေး၏ အကြံပြုချက်အတိုင်း နောင်ဖြေဆိုမည့် စာမေးပွဲများတွင် စာကြိုးစားတော့မည့် မောင်မောင်အကြောင်းကို သရုပ်ဖော်ထားသည့် “လိပ်ကလေးရဲ့ အကြံဉာဏ်” နှစ်မျက်နှာကာတွန်း၊ သူတစ်ပါးထံမှ ပစ္စည်းများကို ရယူလိုသော အန်တီသီရိကို အမှိုက်ထုပ်ကြီးပေးကာ ပညာပေးလိုက်သော ဂါကြီးအကြောင်းကို သရုပ်ဖော် ထားသည့် “ချစ်မွှေး”  နှစ်မျက်နှာကာတွန်း၊ တောရွာလေးသို့ သွားရောက် လည်ပတ်ခဲ့သော ကိုလာ၏ အတွေ့အကြုံသစ်များကို သရုပ်ဖော်ထားသည့် “ရွာသို့တစ်ခေါက်” နှစ်မျက်နှာကာတွန်း၊ ဖားကို မရိုက်ခင် မိမိခေါင်းပေါ်သို့ သစ်ကိုင်းကျိုးကျသည်ကို ခံခဲ့ရသော ဖိုးထူးအကြောင်းကို သရုပ်ဖော်ထားသည့် “ကိုယ်ချင်းစာပါ” တစ်မျက်နှာကာတွန်းနှင့် ကြက်၊ ဝက်နှင့် နွားပုံများကိုကြည့်၍ ငါးပိရည်နှင့်သာ ထမင်း စားခဲ့ရသော ပေါက်စီအကြောင်းကို ဟာသဖြစ်ဖွယ် သရုပ်ဖော်ထားသည့် “ပေါက်စီ¬” မျက်နှာဝက် ကာတွန်းတို့ကို ပါဝင်ပါသည်။