ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဇူလိုင်လ ၅ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ(၅၇)၊ အမှတ်(၂၇) ၌ ပေစိ၏ အခက်အခဲကို နားလည်သဘောပေါက်သွားသဖြင့် သူငယ်ချင်းအပေါ် စိတ်မဆိုး တော့သည့် ပုပုအကြောင်းကို သရုပ်ဖော်ထားသည့်  “‌ကျေးဇူးပါ သူငယ်ချင်း” မျက်နှာဖုံးကာတွန်း၊ လူကြီး ပြောစကားကို နားမထောင်ဘဲ ငှက်ပစ်မိသည့် မြဂျိုးသည် အိပ်မက်ထဲတွင် ငှက်ကြီးလိုက်ဆိတ်၍ ကြောက်လန့်သွားသည့်အကြောင်းကို သရုပ်ဖော်ထားသည့် “ငှက်ပစ်ခြင်းကြောင့်” နှစ်မျက်နှာကာတွန်း၊ ရန်ပိုင်စိုး၏ အကြံပေးမှုကြောင့် ညဘက်အိပ်ပျော်သွားသော တင်မျိုးဇော်အကြောင်း သရုပ်ဖော်ထားသည့် “ရန်ပိုင်စိုး” တစ်မျက်နှာကာတွန်း၊ ဇိန်းသော်မှာ သူ လုပ်ခဲ့သော အလုပ်ကို ဂုဏ်ယူစွာဖြင့် ဖိုးဇော်အား ပြောပြထားသည်ကို တင်ဆက်ထားသည့် “မြတ်သောအလုပ်” နှစ်မျက်နှာကာတွန်း၊ ဆိုးသွမ်းသည့် မျောက်ကလေးကို ဖမ်းဆီးနိုင်ခဲ့သည့် ကံကောင်း အကြောင်းကို သရုပ်ဖော်ထားသည့် “လောဘကြီးသော မျောက်ကလေး”  နှစ်မျက်နှာကာတွန်းနှင့် အမေဝယ်ခိုင်းသည့် အစိမ်းစားရသည့် ငါးပိမှာ ဆိုင်တွင် မရှိဘူး ဆိုသည့် ဖိုးတစ်တိုအကြောင်း သရုပ်ဖော်ထားသည့် “ဖိုးတစ်တို” မျက်နှာဝက်ကာတွန်းကဏ္ဍ တို့ကို တင်ဆက်ထားပါသည်။