ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၃ ခုနှစ်၊ ဇူလိုင်လ ၁ ရက် (စနေနေ့) တွင် ထွက်ရှိမည့် ရွှေသွေးဂျာနယ်အတွဲ(၅၅)၊ အမှတ်(၂၆) စည်းကမ်းမရှိသည့်အတွက် ပုံဆွဲခဲတံလေးပျောက်ဆုံးသွားသော်လည်း ကံကောင်းစွာ ပြန်လည်တွေ့ရှိသွားသည့်အကြောင်း တင်ဆက်ထားသည့် “ကြွက်နှင့် ခဲတံလေး” မျက်နှာဖုံးကာတွန်း၊ မြန်မာ့ရိုးရာသိုင်းပညာကို သင်ချင်ပြီး သူတစ်ပါးကို ကူညီချင်သော နိုးတူးနှင့် သိုင်း ဆရာကြီးတို့ တွေ့ဆုံမိသည့်အကြောင်း တင်ဆက်ထားသည့် “နိုးတူးနှင့် တုံတုံ” နှစ်မျက်နှာကာတွန်း၊ အမေဖြစ်သူက “သားသမီးမကောင်း ဘယ်သူ့ခေါင်းလဲ” ဟု ဖူးငယ်ကို မေးသောအခါ သူ့အတွေးဖြင့် ပြန်ဖြေထားသည့်အကြောင်း တင်ဆက်ထားသည့် “ဖူးငယ်” တစ်မျက်နှာကာတွန်း၊ ကလေးတို့သဘာဝ စူးစမ်းလေ့လာတတ်ပုံ၊ အမေးအမြန်းထူပုံကို တင်ဆက်ထားသည့် “မေးခဲ့ဖူးတယ်” နှစ်မျက်နှာကာတွန်း၊ ဗဟုသုတရမည့် စာအုပ်တွေ ဖတ်သင့်ကြောင်း တင်ဆက်ထားသည့် “ရန်ပိုင်စိုး” နှစ်မျက်နှာကာတွန်း၊ သူငယ်ချင်း အချင်းချင်း မိမိတို့၏ အဘိုးများ အသက်ရှည်ကြပုံကို စကားနိုင်လု၍ ပြောဆိုခြင်းအကြောင်း တင်ဆက်ထားသည့် “အာတူးနဲ့ လိပ်ပု” မျက်နှာဝက်ကာတွန်းကဏ္ဍတို့ကို တင်ဆက်ထားပါသည်။

ရွှေသွေးဂျာနယ်ကို   ကိုယ်စားလှယ်အဖြစ်   မှာယူဖြန့်ချိလိုပါက    တစ်စောင်လျှင်   ၄၀၀  ကျပ်နှုန်းဖြင့် စာပေဗိမာန်အရောင်းဌာနစု ၊ အမှတ် (၅၂၉-၅၃၁)၊ ကုန်သည်လမ်း၊  ရန်ကုန်မြို့။  ဖုန်း- ၀၁- ၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။