ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂)နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်းထုတ်ဝေလျက်ရှိရာ ၂၀၂၆ ခုနှစ်၊ ဇူလိုင်လ ၈ ရက် (စနေနေ့) တွင် ထွက်ရှိမည့် ရွှေသွေးဂျာနယ် အတွဲ (၅၈)၊ အမှတ် (၃၂)၌  သူတစ်ပါးအပေါ် မနာလိုစိတ်ဝင်သည့်အပြင် ကိုယ့်ကိုယ်ကိုယ် မာန်တက်မိသွားသော မီးလုံးလေးသည် နောက်ဆုံးတွင် အမှိုက်ခြင်းတောင်းထဲ ရောက်သွားသည့်အကြောင်းကို သရုပ်ဖော်ထားသည့် “မာန်တက်မိတဲ့ မီးလုံးလေး” မျက်နှာဖုံး ကာတွန်း၊ ကျောင်းဆရာဦးအောင်ကြီးကြောင့် သရဲဘဝမှ ဝက်ဖြစ်သွားသည့်ရအကြောင်းကို သရုပ်ဖော်ထားသည့် “ဝက်ဖြစ်သွားတဲ့ သရဲ” နှစ်မျက်နှာကာတွန်း၊ မိခင်ကို မကူညီချင်သည့် ဖိုးတစ်တိုကို ပညာပေးဆုံးမလိုက်သည့် သူ၏ မိခင်အကြောင်းကို သရုပ်ဖော်ထားသည့် “ဖိုးတစ်တို” တစ်မျက်နှာကာတွန်း၊ စာဖတ်ဝါသနာပါသော အစ်ကိုဖြိုးရဲနှင့် ဉာဏ်များသော ညီလေး လင်းထက်တို့ နှစ်ယောက်အကြောင်းကို သရုပ်ဖော်ထားသည့် “ဖြိုးရဲနှင့် လင်းထက်” နှစ်မျက်နှာကာတွန်း၊ အပြစ်ရှိသည်ကို ဝန်ခံသည့် မြဂျိုးကို ခွင့်လွှတ်သော်လည်း အပြစ် လွတ်အောင် မျက်နှာချိုသွေးသည့်အတွက် ဒေါသဖြစ်သွားသော သူ့၏အမေတို့အကြောင်းကို သရုပ်ဖော်ထားသည့် “မြဂျိုး- စကားအလိမ္မာ” နှစ် မျက်နှာကာတွန်းနှင့် ပိုင်ပိုင်လေးသည် ကြောင်လေး၏ အသက်ကို ကယ်တင်ခဲ့သော်လည်း သူ၏ လုပ်ရပ်အမှန်ကို သိရှိသွား၍ ဒေါသ ဖြစ်သွားသော မိခင်ကြီးတို့အကြောင်းကို သရုပ်ဖော် ထားသည့် “ကယ်တင်ရှင်” မျက်နှာဝက် ကာတွန်းတို့ကို တင်ဆက်ထားပါသည်။