ရွှေသွေးဂျာနယ်

­၂၅ - ၇ - ၂၀၂၆ ရက်ထုတ် ရွှေသွေးဂျာနယ် အတွဲ (၅၈)၊ အမှတ် (၃၀) ထွက်ရှိ

တန်ဖိုး - ၄၀၀ကျပ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၆ ခုနှစ်၊ ဇူလိုင်လ ၂၅ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၈)၊ အမှတ်(၃၀)၌ အများကောင်းကျိုးအတွက် ဆောင်ရွက်ခဲ့ပါက ယခုဘဝတွင် ကောင်းကျိုးများ ရရှိနိုင် ရုံသာမက နောင်ဘဝအတွက်ပါ ကောင်းကျိုးချမ်းသာများ ရရှိနိုင်ပုံကို သရုပ်ဖော်ထားသည့် “မာဃလုလင် လမ်းများပြင်၍” မျက်နှာဖုံးကာတွန်း၊ မိဘများ၏ စွန့်ပစ်ခြင်းကို ခံခဲ့ရပြီး ဘီလူးကြီး၏ ဖမ်းဆီးမှုကို ခံခဲ့ရ သော်လည်း အသိဉာဏ်ဗဟုသုတကြွယ်ဝသည့် မင်းသမီးလေးနှင့် တွေ့ရှိခဲ့ရ၍ အသက်ဘေးမှ လွတ်မြောက်ခဲ့ရသော ငလက်မလေးအကြောင်းကို သရုပ်ဖော်ထားသည့် “ငလက်မ” နှစ်မျက်နှာကာတွန်း၊ အစာကို အလွန်အကျွံစား၍ ဆေးရုံရောက်ခဲ့ရသော ထူးထူးအကြောင်းကို သရုပ်ဖော်ထားသည့် “အစား မက်တဲ့ ထူးထူး” နှစ်မျက်နှာကာတွန်း၊ အချိန်ကို အကျိုးရှိရှိ အသုံးချခဲ့သောကြောင့် စာမေးပွဲကို ဂုဏ်ထူး သုံးဘာသာဖြင့် အောင်မြင်ခဲ့သည့် ဖီနိုးအကြောင်းကို သရုပ်ဖော်ထားသည့် “နောင်တဆိုသည်မှာ” နှစ်မျက်နှာကာတွန်း၊ အစားအစာများကို အချိန်မီစုဆောင်းမထားမိ၍ မိုးရွာချိန်၌ အစာအခက်အခဲဖြစ်ခဲ့ရ သည့် ယုန်လေးတစ်ကောင်အကြောင်းကို သရုပ်ဖော်ထားသည့် “ယုန်ငပျင်း” တစ်မျက်နှာကာတွန်းနှင့် စိတ်ကောင်းစေတနာရှိသော လွင်အောင်အကြောင်းကို သရုပ်ဖော်ထားသည့် “လွင်အောင် ပါဝင်သော မျက်မှန်” မျက်နှာဝက်ကာတွန်းတို့ ပါဝင်ပါသည်။

ကမ္ဘာပေါ်ရှိ သက်ရှိသတ္တဝါများအတွက် နေရောင်ခြည်၏ အသုံးဝင်ပုံများကို ဗဟုသုတရဖွယ် ရေးသားထားသည့် “နေရောင်ခြည်၏ အသုံးဝင်ပုံ” သုတဆောင်းပါးကဏ္ဍ၊ ပြဿနာတစ်ခုခုနှင့် ကြုံတွေ့ရ ပါက အသိဉာဏ်ဖြင့် စဉ်းစားတွေးခေါ်ကာ ညင်သာစွာ ဖြေရှင်းတတ်စေရန် ပညာပေး ရေးသားထားသည့် “ရင်ဆိုင်ကျော်လွှား အခက်အခဲများ” ဝတ္ထုနှင့် မိခင်၏ ကျေးဇူးကိုသိတတ်၍ ထူးဆန်းသော သစ်သီးမှည့်တို့ကို ခူးဆွတ်ခွင့်ရခဲ့သော မျောက်ညိုလေးအကြောင်းကို ရေးသားထားသည့် “မျောက်ညိုလေးနဲ့ သစ်သီး” ပုံပြင်တို့ ပါဝင်ပါသည်။ ထို့ပြင်  ငလျင်အန္တရာယ်ကျရောက်လာပါက ကြိုတင်ပြင်ဆင်နိုင်စေ ရန်နှင့် အရေးပေါ် လိုက်နာဆောင်ရွက်ရမည့် အချက်များပါဝင်သည့် ငလျင်ဘေးအန္တရာယ် ကြိုတင်ပြင်ဆင်ရေးနှင့်စပ်လျဉ်း၍ ပြည်သူသို့ အသိပေးနှိုးဆော်ချက်ကဏ္ဍနှင့် မိမိပတ်ဝန်းကျင်သန့်ရှင်းရေးကို ဂရုပြု‌ ဆောင်ရွက်ပါက ကျန်းမာရေးအတွက်ပါ အထောက်အကူဖြစ်စေကြောင်း သီကုံးရေးဖွဲ့ထားသည့် “ပတ်ဝန်းကျင် သန့်ရှင်းရေး” ကဗျာနှင့် ဝါဆိုလတွင် ပွင့်သော ပန်းများနှင့် ရာသီဓလေ့တို့အကြောင်းကို သီကုံးရေးဖွဲ့ထားသည့် “လဝါဆို” ကဗျာတို့ ပါဝင်ပါသည်။ အင်္ဂလိပ်စာကဏ္ဍအနေဖြင့် အဝတ်လျှော်ဆိုင်တွင် အဝတ်လာလျှော်သည့်အကြောင်းကို အဝတ်လာလျှော်သူအချင်းချင်း  ပြောဆိုပုံကို ပုံစံအမျိုးမျိုးဖြင့် ရေးသားထားသည်ကို လေ့လာနိုင်မည် ဖြစ်ပါသည်။