ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂)နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်းထုတ်ဝေလျက်ရှိရာ ၂၀၂၆ ခုနှစ်၊ စက်တင်ဘာလ ၁၉ ရက် (စနေနေ့) တွင် ထွက်ရှိ မည့် ရွှေသွေးဂျာနယ် အတွဲ (၅၈)၊ အမှတ် (၃၈)၌  သူ့အိပ်ရာသည်သာ သူ့အတွက် အကောင်းဆုံးဆိုသည်ကို နားလည်သဘောပေါက်သွားသည့် ကြောင်လေးမိဖြူအကြောင်းကို သရုပ်ဖော်ထား သည့် “မိဖြူ” မျက်နှာဖုံးကာတွန်း၊ သူတစ်ပါးကို စနောက်ခြင်း၏ အကျိုး၊ အပြစ်များကို သိစေရန် သရုပ်ဖော်ထားသည့် “မြဂျိုး” နှစ်မျက်နှာကာတွန်း၊ မလိမ်ညာတတ်သော ကလေးတို့သဘာဝကို ဟာသဖြစ်ဖွယ် သရုပ်ဖော်ထားသည့် “လင်းသုတ” တစ်မျက်နှာကာတွန်း၊ ကိုယ့်ကိုယ်ကိုယ် ဘဝင် မြင့်နေသော ယုန်လေးနှင့် ဇွဲလုံ့လဝီရိယရှိသော လိပ်လေးတို့အကြောင်းကို သရုပ်ဖော်ထားသည့် “ကိုယ်စွမ်းဉာဏ်စွမ်း” နှစ်မျက်နှာကာတွန်း၊  နားလည်မှုဖြင့် မျှဝေသုံးစွဲလျှင် လူမှုဘဝ၌ ပျော်ရွှင်စွာ ဖြတ်သန်းနိုင်ပုံကို သရုပ်ဖော်ထားသည့် “ယွန်းယွန်းနှင့် ဘွန်းဘွန်း” မေမေက ထော်လေး ငိုသည့်အကြောင်းကို မေးမြန်းသည့်အခါ ဖေဖေ၏အဖြစ်ကို ရယ်မိသည့်အတွက် အရိုက်ခံလိုက်ရသည့်အကြောင်း သရုပ်ဖော်ထားသည့် “ထော်လေး” မျက်နှာဝက်ကာတွန်းတို့ကို တင်ဆက် ထားပါသည်။

ငှက်ပျောသီး အမျိုးအစားများ၊ ပါဝင်သော ဓာတ်များနှင့် ငှက်ပျောသီးစားသုံးခြင်း၏ အကျိုးကျေးဇူးများကို ဗဟုသုတရစေရန် ရေးသားထားသည့်  “ငှက်ပျောသီး” သုတဆောင်းပါး ကဏ္ဍ၊ ငလျင်အန္တရာယ်ကျရောက်လာပါက ကြိုတင်ပြင်ဆင်ရန်နှင့် အရေးပေါ်လိုက်နာ ဆောင်ရွက်ရမည့်အချက်များ ပါဝင်သည့် ငလျင်ဘေးအန္တရာယ် ကြိုတင်ပြင်ဆင်ရေးနှင့် စပ်လျဉ်း၍ ပြည်သူသို့ အသိပေးနှိုးဆော်ချက်ကဏ္ဍ၊ မိမိ၏ အတန်းနှင့် ကျောင်းကိစ္စရပ်များတွင် တာဝန်ကျေပွန်စွာ ထမ်းဆောင်တတ်သော စာကြိုးစားပြီး ရိုးသားဖြူစင်သည့် အတန်း ခေါင်းဆောင် မောင်စံညို၏အကြောင်းကို ရေးသားထားသည့် “စာရိတ္တမောင်” ဝတ္ထုကဏ္ဍ၊ ရန်သူကို ရှောင်ရှားနိုင်မည့် နည်းလမ်းတစ်ထောင်တတ်ထားသော်လည်း ရန်သူ့လက်မှ မလွတ်ခဲ့ရသော  တောခွေးနှင့် နည်းတစ်နည်းကိုသာ အသုံးချ၍ အသက်ဘေးမှ လွတ်ခဲ့ရသည့် ကြောင်တို့ အကြောင်းကို ရေးသားထားသည့် “နည်းကောင်းတစ်ခု” ပုံပြင်ကဏ္ဍ၊ ကလေးတို့ ပေးပို့သော ပန်းချီလက်ရာများကို ဖော်ပြပေးထားသည့် “ရွှေသွေးတို့ လက်ရာ” ကဏ္ဍ၊ ရွှေငွေပစ္စည်းများသည် ပျောက်ပျက်နိုင်ပုံ၊ ပညာရွှေအိုးသည် မပျောက်ပျက်ပုံနှင့် ပညာ၏ တန်ဖိုးကို ကလေးငယ်များ သိရှိစေရေး ရေးဖွဲ့ထားသည့် “ပညာရွှေအိုးထမ်း” ကဗျာကဏ္ဍတို့ကို တင်ဆက်ထားပါသည်။

ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၄၀၀ ကျပ် နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။