ဆက်စပ် စာအုပ်များ
ရွှေသွေးဂျာနယ်
၁၅ - ၈ - ၂၀၂၆ ရက်ထုတ် ရွှေသွေးဂျာနယ် အတွဲ (၅၈) အမှတ် (၃၃) ထွက်ရှိ
တန်ဖိုး - ၄၀၀ကျပ်
ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်နှင့် အောက်ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၆ ခုနှစ်၊ ဩဂုတ်လ ၁၅ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၈)၊ အမှတ် (၃၃) ၌ လက်တွေ့မြင်တွေ့နိုင်သည့် ဆိုးသွမ်းမိုက်မဲမှုထက် မျက်စိဖြင့် မမြင်နိုင်သော ပျင်းရိမှုက ပိုမိုကြောက်စရာကောင်းကြောင်း သရုပ်ဖော်ထားသည့် “အသံတိတ်လူမိုက်” မျက်နှာဖုံး ကာတွန်း၊ ဖခင်၏ ဆုံးမစကားကို လိုက်နာ၍ ရိုးသားမှုကို ရွေးချယ်ခဲ့သောကြောင့် အရှက်မရဘဲ ဂုဏ်ပြု ငွေပင် ရရှိခဲ့သော ထူးထူးအကြောင်းကို သရုပ်ဖော်ထားသည့် “ထူးထူးနှင့် ရိုးသားမှု” နှစ်မျက်နှာကာတွန်း၊ ကျားလိုက်ရာမှ ပြေးခဲ့ရသည့် ကြောင်လေးရွှေဝါအကြောင်းကို သရုပ်ဖော်ထားသည့် “ကိုယ်တွေ့ကြုံမှ ကိုယ်ချင်းစာ” နှစ်မျက်နှာကာတွန်း၊ အသားဟင်းစားချင်၍ ပူဆာမိသော ရန်ပိုင်စိုးအကြောင်းကို သရုပ်ဖော်ထားသော “ရန်ပိုင်စိုး” နှစ်မျက်နှာကာတွန်း၊ နားမကောင်းသည့် အဘိုးအိုအတွက် နားကြား ကိရိယာ၏ အသုံးဝင်ပုံကို သရုပ်ဖော်ထားသည့် “ကျေးဇူးတင်ပါသည်” တစ်မျက်နှာကာတွန်းနှင့် မိုးရွာထဲတွင် ထွက်ဆော့မိ၍ ခြေထောက်တွင် ဒဏ်ရာရသွားသော ဖိုးကောင်အကြောင်းကို သရုပ်ဖော်ထားသည့် “ဖိုးကောင်” မျက်နှာဝက်ကာတွန်းတို့ ပါဝင်ပါသည်။
သုတဆောင်းပါးကဏ္ဍတွင် မျက်စိကျန်းမာရေး ပိုမိုကောင်းမွန်စေရေးအတွက် ဆောင်ရန်၊ ရှောင်ရန် အချက်များကို ဗဟုသုတရဖွယ် ရေးသားထားသည့် “မျက်စိကျန်းမာရေးကို သတိထားကြပါစို့” သုတဆောင်းပါး၊ အတတ်ပညာ ကျွမ်းကျင်မှုရှိသော်လည်း ဆင်ခြင်တုံတရား အားနည်းမှုကြောင့် မျှော်လင့် ချက်များ ပျက်စီးခဲ့ရသည့် ပန်းပုဆရာတစ်ယောက်အကြောင်းကို ရေးသားထားသည့် “ကိုယ်ပွားရုပ်တု” ပုံပြင်နှင့် ချမ်းမင်းလှိုင်သည် ဘောလုံးကန်တော်သော်လည်း ရေမကူးတတ်၍ ရေနစ်ခဲ့ရပုံနှင့် အတတ် ပညာမျိုးစုံ တတ်ထားခြင်းမှာ များစွာ အကျိုးရှိကြောင်း နားလည်သွားပုံကို ရေးသားထားသည့် “ရေကူး တတ်ချင်တယ်” ဝတ္ထုတို့ ပါဝင်ပါသည်။ ထို့ပြင် ငလျင်ဘေးအန္တရာယ် ကြိုတင်ပြင်ဆင်ရေးနှင့် စပ်လျဉ်း၍ ပြည်သူသို့ အသိပေးနှိုးဆော်ချက်ကဏ္ဍ၊ စာပေ၊ ဂီတ၊ သဘင်၊ ရုပ်ရှင် စသည့် ယဉ်ကျေးမှုအမွေအနှစ်များကို အများပြည်သူများ ကြည့်ရှုလေ့လာနိုင်စေရန် ရည်ရွယ်၍ ဖွင့်လှစ်ပြသထားသည့် စာဆိုဗိမာန်သို့ လာရောက်လေ့လာနိုင်ရန် ဖိတ်ခေါ်ထားသည့် ကြော်ငြာနှင့် ပညာသင်ရမည့်အရွယ်တွင် လောင်းကစား အပါအဝင် မကောင်းမှုများကို ရှောင်ကြဉ်၍ ပညာကို ကြိုးစားသင်ယူသင့်ကြောင်း သီကုံးစပ်ဆိုထားသည့် “ကိုယ်တိုင် တံခါးမှူး” ကဗျာတို့ ပါဝင်ပါသည်။ အင်္ဂလိပ်စာကဏ္ဍအနေဖြင့် အီဒီယမ်များအပါအဝင် Two-word Verb ဟု ခေါ်သော Phrasal Verb များ၏ အသုံးများနှင့် ပတ်သက်သည်များကို လေ့လာ မှတ်သားနိုင်မည် ဖြစ်ပါသည်။
ရွှေသွေးဂျာနယ်ကို ကိုယ်စားလှယ်အဖြစ် မှာယူဖြန့်ချိလိုပါက တစ်စောင်လျှင် ၄၀၀ ကျပ်နှုန်းဖြင့် စာပေဗိမာန်အရောင်းဌာနစု၊ အမှတ် (၅၂၉-၅၃၁)၊ ကုန်သည်လမ်း၊ ရန်ကုန်မြို့။ ဖုန်း- ၀၁-၃၈၁၄၄၈၊ ၀၁-၂၄၉၀၃၁ သို့ ဆက်သွယ်မှာယူနိုင်ပါသည်။
