သုတပဒေသာစာစောင်

၁၉၇၃ ခုနှစ်၊ ဇူလိုင်လမှ စတင်ထုတ်ဝေခဲ့ပြီး နှစ်ပေါင်း ၅ဝ ကျော် စာချစ်သူများ လက်ခံအားပေး လာခဲ့သော စာပေဗိမာန်ထုတ် သုတပဒေသာစာစောင်ကို ၂၀၂၁ ခုနှစ်၊ ဒီဇင်ဘာလမှစ၍ သုတပဒေသာနှင့် လူငယ်ရေးရာစာစောင်ဟု အမည်ပြောင်းလဲကာ ၂၀၂၃ ခုနှစ်၊ ဩဂုတ်လ၊ အတွဲ(၅ဝ)၊ အမှတ်(၈) ကို  ထုတ်ဝေလိုက်ပြီ ဖြစ်ပါသည်။ စာစောင်ကို အမည်ပြောင်းလိုက်သလို အတွင်းပိုင်းပါဝင်သော စာမူများ ကိုလည်း အပိုင်းခွဲ၍ ဖော်ပြထားပါသည်။

လူငယ်များအတွက် အဓိကဦးတည်သော သုတပဒေသာနှင့် လူငယ်ရေးရာစာစောင်၏ မျက်နှာဖုံးဆောင်းပါးကဏ္ဍမှာ “ရေရှည်စီမံဆောင်ရွက်သွားရမည့် အမျိုးသားအားကစားအဆင့် တိုးတက်မြင့်မား ရေး” ဖြစ်ပါသည်။ မျက်နှာဖုံးဆောင်းပါးကဏ္ဍတွင် အမျိုးသားအားကစား မြင့်မားလာရေး၊ အားကစား စီမံခန့်ခွဲမှုပညာရပ် ထွန်းကားမှ အားကစား၌ အောင်ပွဲများရမည်ဖြစ်၊ လူငယ်ရေးရာကဏ္ဍတွင် နှိုင်းယှဉ်တဲ့ လူတွေရဲ့ဘဝ၊ ဘဝမှာ အဖိုးအတန်ဆုံး ရတနာ၊ အမေ့ခံနေ့တစ်နေ့လို့ပဲ ပြောလိုက်ချင်နေပြီ၊ အချိန်ကို စီမံခန့်ခွဲရာဝယ်၊ ဩဂုတ်လ၊ လူငယ်များ ရှောင်ရှားသင့်သော မူးယစ်ဆေးဝါး (Party Drug) များ၊ ရှန်နန်ဒို အမျိုးသားဉယျာဉ်ကြီး၊ ဘဝနှင့် အောင်မြင်မှု၊ အောင်မြင်မှုနှင့် ငွေ၊ ကဗျာကဏ္ဍတွင် မွေးကင်းစ ပီတိ၊  နိုင်ငံတကာဆိုင်ရာကဏ္ဍတွင် ပြန်လည်ပြည့်ဖြိုးမြဲ နေရောင်ခြည်စွမ်းအင်ဖြင့် လျှပ်စစ် ထုတ်လုပ်ခြင်း (အပိုင်း-၂)၊ သဘာဝပတ်ဝန်းကျင် ရှုထောင့်ဆိုင်ရာကဏ္ဍတွင် ရက်စွဲပါသော ပုဂံခေတ် ဗုဒ္ဓဆင်းတုတော်များ၊ ဗိုင်းရပ်စ် ရှာပုံတော်၊ ကလေးစစ်သား ပပျောက်ရေးဆိုင်ရာကဏ္ဍတွင် ပဋိပက္ခဇုန် အတွင်းမှ ကလေးများ၊ စီးပွားရေးဆိုင်ရာကဏ္ဍတွင် ဂလိုဘယ်လိုက်ဇေးရှင်း၏ အနီးဆုံး အနာဂတ်၊ စွန့်ဦးလုပ်ငန်းရှင်များ၏ အောင်မြင်မှု လှေကားထစ်များ၊ စီးပွားရေးလုပ်ငန်းရှင်များအတွက် ရလဒ် ကောင်း၊ အမုန်းစကားဆိုင်ရာကဏ္ဍတွင် အမုန်းစကား ဝေးစေ၊  ကလေးအလုပ်သမားဆိုင်ရာ ကဏ္ဍတွင် ကလေးအလုပ်သမား ပပျောက်ရေးကြိုးပမ်းမှု၊  ကျန်းမာရေးဆိုင်ရာကဏ္ဍတွင် ဆန်းသစ်ဖွေရှာ ဆေးပညာ (၂၆ဝ)၊ အစားအသောက် ဘေးကင်းလုံခြုံရေးအတွက် အရေးကြီးသော သန့်ရှင်းရေး၊ သင့်ရဲ့ အံ့ဖွွယ် သွေးလည်ပတ်မှုစနစ်၊ ဖြစ်ရပ်မှန်ကဏ္ဍတွင် လွတ်မြောက်ရေးသို့၊ ဝတ္ထုတိုကဏ္ဍတွင် ယနေ့ထက်တိုင် အောင်ပင်၊ အထွေထွေကဏ္ဍတွင် အလေးထားသင့်သော မူပိုင်ခွင့်အရေး၊ လယ်သမားအခွင့်အရေး ပိုမို တိုးမြှင့်ကာကွယ်ပေး၊ ဟာသ စသည်ဖြင့် ကဏ္ဍမျိုးစုံ ဆောင်းပါးများ ပါဝင်ပါသည်။