ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့ တိုင်း ထုတ်ဝေလျက်ရှိရာ ၂၀၂၅ ခုနှစ်၊ ဩဂုတ်လ ၃၀ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၇)၊ အမှတ် (၃၅)၌ သစ်ပင်ပန်းမန်ပြိုင်ပွဲတွင် ပထမဆုကို ထိုက်ထိုက် တန်တန် ဆုချီးမြှင့်ခြင်းခံရသော မစံပယ်အကြောင်း သရုပ်ဖော်ထားသည့် “မစံပယ်ရဲ့ ကူကူး” မျက်နှာဖုံးကာတွန်း၊ သမင်အိုကြီး၏ ကျေးဇူးကို နားလည်သဘောပေါက်သွားသော သမင် ကလေးများအကြောင်း သရုပ်ဖော်ထားသည့် “ကျေးဇူးတရား” နှစ်မျက်နှာကာတွန်း၊ အသက် အရွယ်ကြီးနေပြီဖြစ်သော အဘွားကို အကူအညီပေးရာ ကုသိုလ်ရသည့်အပြင် အဘွားက ကျွေးသော မုန့်ကိုပါ စားခဲ့ရသော ရွှေပိုးအကြောင်း သရုပ်ဖော်ထားသည့် “ကုသိုလ်လည်းရ ဝမ်းလည်းဝ” နှစ်မျက်နှာကာတွန်း၊ မုဆိုးကြီး၏ အကြံပေးစကားကို အလေးမထားဘဲ မိမိ၏ အယောင်ဆောင် အသံတုကို တလွဲအသုံးချမိရာက အသက်ဘေးဖြင့် တွေ့ကြုံရသော လူငယ်လေးတစ်ယောက် အကြောင်း သရုတ်ဖော်ထားသည့် “အတုအယောင်” နှစ်မျက်နှာကာတွန်း၊ အချင်းချင်း ပိုက်ဆံချေး နေကြသော ဂျာရစ်နှင့် သူငယ်ချင်းအကြောင်း သရုပ်ဖော်ထားသည့် “ဂျာရစ်” တစ်မျက်နှာဟာသ ကာတွန်းနှင့် ဖားသားဟင်းကို မစားတော့ဘဲ ကြက်သားဟင်းကိုပဲ စားတော့မည်ဆိုသော ဘယ်ကျော်အကြောင်း သရုပ်ဖော်ထားသည့် “ဘယ်ကျော်” မျက်နှာဝက်ကာတွန်းတို့ကို တင်ဆက်ထားပါသည်။

 

  သုတကဏ္ဍအနေဖြင့် အိပ်ဟောက်အသက်ရှူပိတ်ရောဂါကို ဖြစ်စေနိုင်သည့် အကြောင်းရင်း နှင့် ရောဂါ မဖြစ်ပွားရန် သတိပြုဆင်ခြင်နိုင်မည့် လုပ်ဆောင်ချက်များအကြောင်း ဖတ်ရှုရမည်ဖြစ်ပါ သည်။ ဝတ္ထုကဏ္ဍတွင် လေယာဉ်ပျံတွင် ဟွန်းသံ သို့မဟုတ် ဥဩသံ ပါ မပါကို သိချင်နေသော ညီညီအကြောင်း တင်ဆက်ထားပါသည်။ ပုံပြင်ကဏ္ဍအနေဖြင့် တနင်္လာနေ့မနက်ခင်း ရောက်မည်ကို မကြိုက်သော ဂျော့အကြောင်း ရေးသားထားပါသည်။ ထို့ပြင် ကလေးတို့ကိုယ်တိုင် ရေးဆွဲထားသည့် ရွှေသွေးတို့လက်ရာကဏ္ဍ၊ ငလျင်ဘေးအန္တရာယ် ကြိုတင်ပြင်ဆင်ရေးနှင့် စပ်လျဉ်း၍ ပြည်သူသို့ အသိပေးနှိုးဆော်ချက်ကဏ္ဍနှင့် မိုးဒဏ်လေဒဏ်ကို မမှုဘဲ ပင်လုံးအနှံ့ အသိုက်ဆောက်တတ် ကြသော စာဘူးတောင်းငှက်ကလေးများအကြောင်း ရေးဖွဲ့ထားသည့် ဆရာ မန်းတင့်မော်၏ “စာဘူးတောင်း” ကဗျာကဏ္ဍတို့ကိုလည်း တင်ဆက်ထားပါသည်။ အင်္ဂလိပ်စာ ကဏ္ဍအနေဖြင့် အီဒီယမ်များအပြင် Two-word Verb ဟုခေါ်သော Phrasal Verb များအကြောင်း ကလေးတို့ လေ့လာမှတ်သားနိုင်မည်ဖြစ်ပါသည်။