ရွှေသွေးဂျာနယ်

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်ရုံးသည် အသက် (၁၂) နှစ်အောက် ကလေးငယ်များ ဖတ်ရှုနိုင်ရန် ရည်ရွယ်၍ ရွှေသွေးဂျာနယ်ကို အပတ်စဉ် စနေနေ့တိုင်း ထုတ်ဝေလျက်ရှိရာ ၂၀၂၃ ခုနှစ်၊ ‌အောက်တိုဘာလ ၂၈ ရက် (စနေနေ့)တွင် ထွက်ရှိမည့် ရွှေသွေးဂျာနယ် အတွဲ (၅၅)၊ အမှတ် (၄၃)၌ မြန်မာတို့၏ ထူးမြတ်သည့် သီတင်းကျွတ်လတွင် ကျင်းပသည့် ပွဲတော်များနှင့် ကုသိုလ်ကောင်းမှုများအကြောင်း တင်ဆက်ထားသည့် “ညီညီနှင့် သီတင်းကျွတ်ကုသိုလ်” မျက်နှာဖုံးကာတွန်း၊ ကိုကံခေဆုတောင်းလိုက်သည့် ဆန္ဒသုံးခုမှာ ချက်ချင်း လက်ငင်းပင် ဆုတောင်းပြည့်သွားကြောင်း ဟာသဖြစ်ဖွယ် ရေးဖွဲ့ထားသည့် “ဆန္ဒသုံးခု” နှစ်မျက်နှာကာတွန်း၊ ယုံကြည်မှုအပေါ် အလွဲသုံးစားလုပ်၍ လိမ်လည်ခဲ့သည့် မိတ်ဆွေကို ပြန်လည်  ပညာပေးသည့် ပညာရှိကုန်သည်အကြောင်း တင်ဆက်ထားသည့် “ယုံတမ်းစကား” နှစ်မျက်နှာ ကာတွန်း၊  ဖခင်မသိအောင် သူငယ်ချင်းများနှင့်အတူ ဒိုးဆက် ဆက်တမ်းကစားရာက ဖခင် အိမ်ပြန် လာသည်နှင့် တိုးသွားသော ကီးကီအကြောင်း ရေးဖွဲ့ထားသည့် “ကီးကီနှင့် ရောင်စုံဘောလုံး” နှစ်မျက်နှာကာတွန်း၊ ဗိုက်ပူမည်ကို မကြောက်သော လင်းသစ်အကြောင်း ရေးဖွဲ့ထားသည့် “လင်းသစ်” တစ်မျက်နှာကာတွန်းနှင့်  ဘယ်ကျော်နှင့် ဘယ်ကျော့်သူငယ်ချင်းတို့၏ အတွေးများမှာ အတူတူဖြစ်နေကြောင်း ဟာသဖြစ်ဖွယ် ရေးဖွဲ့ထား¬သည့် “ဘယ်ကျော်” မျက်နှာဝက်ကာတွန်းတို့ကို တင်ဆက်ထားပါသည်။