ပြည်သူ့လက်စွဲစာစဉ်

စာအုပ်အမည် - စာပေဗိမာန်စာမူဆုရ စာအုပ်ဖြန့်ချိရောင်းချ

စာရေးဆရာအမည် - ခိုင်ချစ်အောင်

တန်ဖိုး - 4500ကျပ်

စာညွှန်း -

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်က စာပေဗိမာန် စာမူဆု၊ ကလေးစာပေ ဒုတိယဆုရရှိသည့် ခိုင်ချစ်အောင်၏ ‘ဝီရိယရှိသူ ထိပ်ဆုံးလူ ကလေးကဗျာများ’ စာအုပ်ကို ဖြန့်ချိရောင်းချလျက်ရှိသည်။ 

ယင်းစာအုပ်တွင် ကဗျာပုဒ်ရေ (၈၀) ပါဝင်သည်။ ထူးခြားချက်မှာ ယခုခေတ် မူကြိုအရွယ်၊ မူလတန်းအရွယ် ကလေးငယ်များ၏ အသက်အရွယ်တွင် ရှေးယခင်က နယ်ပယ်အသီးသီး၌ အလွန်ပင် ထင်ရှားကျော်ကြားအောင်မြင်ခဲ့သော ကလေးငယ်များပေါ်ထွန်းခဲ့ကြောင်းကို ထူးခြား သော အတွေးအမြင်ဖြင့် ဖွဲ့ဆိုတင်ပြထားခြင်းဖြစ်သည်။ ဥပမာအားဖြင့် အသက် ခြောက်နှစ်သား စာရေးဆရာမောင်မောက် နောင်အခါ ရှင်မဟာရဋ္ဌသာရ၊ အသက်ခုနစ်နှစ်သားအရွယ် ခုံတော် မောင်ကျ ပန်း၊ အသက် ကိုးနှစ်အရွယ်ကတည်းက ရတုကဗျာများ ရေးစပ်ခဲ့သည့် စစ်သည်စာဆို နတ်သျှင်နောင်၊ ငယ်နာမည် မောင်ညို (ခေါ်) ရှင်မဟာသီလဝံသ၊ ငယ်နာမည် မောင်ဥက္ကာ(ခေါ်) ရှင်ဥတ္တမကျော်၊ အသက် ၁၃ နှစ်အရွယ်တွင် စစ်သူရဲကောင်းအဖြစ် ထင်ရှားကျော်ကြားခဲ့သော ဇေယျသီဟ (ခေါ်) မင်းရဲကျော်စွာ၊ အသက် (၁၅) နှစ်အရွယ် တပင်ရွှေထီးတို့၏အကြောင်း ဖွဲ့ဆို ထားသော ကဗျာများမှာ ကလေးတို့ နှစ်သက်အတုယူဖွယ်ရာဖြစ်သည်။ ထို့ပြင် အခြားသောကဗျာ များမှာလည်း ကလေးတို့၏ အတွေးအခေါ် အသိအမြင်များ ရင့်ကျက်ဖွံ့ဖြိုးတိုးတက်လာစေရေး၊ ကိုယ့်ရပ်ကိုယ့်ရွာ၊ ကိုယ့်မြို့ကိုယ့် တိုင်းပြည်ကို မြတ်နိုးတွယ်တာ ချစ်ခင်လာစေရေးတို့ကို ထိရောက် ပီပြင်စွာဖွဲ့ဆိုထားသည်ကို တွေ့ရှိရ သည်။

အဆိုပါစာအုပ်ကို ရောင်းဈေး (၄၅၀၀) ကျပ်ဖြင့် အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁-၈၂၄၉၀၃၁၊ ၀၁-၈၃၈၁၄၄၈)၊ အမှတ် (တ- ၅၅)၊ သပြေကုန်းစျေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁၊ ၀၉-၄၄၉၅၄၀၆၆၇)၊ ၈၆ လမ်း၊ ၂၁ လမ်းနှင့် ၂၂ လမ်း ကြား၊ မန္တလေးမြို့ရှိ စာပေဗိမာန်စာအုပ်ဆိုင် (ဖုန်း ၀၂-၄၀၃၀၁၈၆) နှင့် အမြို့မြို့ရှိ စာပေဗိမာန်ကိုယ်စားလှယ်များထံတွင် ဆက်သွယ်ဝယ်ယူနိုင်ကြောင်းနှင့် လက်ကားမှာယူလိုပါက အမှတ် ၅၂၉-၅၃၁၊ ကုန်သည်လမ်းရှိ စာပေဗိမာန်၊ အရောင်းဌာန (ဖုန်း ၀၁-၈၂၄၉၀၃၁၊ ၀၁-၈၃၈၁၄၄၈) သို့ ဆက်သွယ်နိုင်ကြောင်း သတင်းရရှိသည်။