ဆက်စပ် စာအုပ်များ
ပြည်သူ့လက်စွဲစာစဉ်
စာအုပ်အမည် - စာပေဗိမာန်က “လူထုသိပ္ပံ ကျမ်း အတွဲ (၅)” စာအုပ်ကို ဖြန့်ချိရောင်းချ
တန်ဖိုး - ၃၀၀၀ကျပ်
- စာညွှန်း -
ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်က “လူထုသိပ္ပံ ကျမ်း အတွဲ (၅)” စာအုပ်ကို ဖြန့်ချိရောင်းချလျက်ရှိသည်။
သိပ္ပံပညာသည် အသိဉာဏ်မည်သည်။ သိပ္ပံပညာရပ်များသည် ပညာရပ်အလိုက် လူကို အသိဉာဏ်ပေးကြသည်။ လူ၏ အသိတရားများ တိုးတက်ပွားများစေရန် သိပ္ပံပညာသည် တစ်နှစ်ထက် တစ်နှစ် ကူညီဖြည့်စွက်ပေးနေသည်။ အသိဉာဏ်တိုးတက်လာမှုကြောင့် သဘာဝ၏ ပြုမူချက်များကို ပိုမိုနားလည်နိုင်လာသည်။ သိပ္ပံသုတေသနလုပ်ငန်းများဖြင့် အသိဉာဏ်များ တိုးတက်ပွားများစေရန် ရည်ရွယ်ပြုစုထားသည့် လူထုသိပ္ပံကျမ်း အတွဲ (၅) သည် ၁၉၅၆ ခုနှစ်တွင် မြန်မာနိုင်ငံဘာသာပြန်စာပေအသင်းကြီး (စာပေဗိမာန်) က ထုတ်ဝေခဲ့သည့် ပထမဆုံးကျမ်း ဖြစ်သည်။
အဆိုပါကျမ်းတွင် ကောင်းကင်၌ ဂြိုဟ်တာရာတို့ တည်နေပုံ၊ ကမ္ဘာ့အပေါ်ယံ မြေလွှာအတွင်း၊ သက်ရှိတို့ အလိုအလျောက်မျိုးပွားခြင်း၊ မြေတွင်းကိုယ်ပျောက်တပ်၊ မြေဆီလွှာ ကောင်းမွန်ထက်သန်ရေး၊ ကျန်းမာရေးအတွက် နည်းကောင်းတစ်မျိုး၊ လူ့အကျိုး ဆောင် သဘာဝအားများ စသည်ဖြင့် သိပ္ပံပညာသုတေသနလုပ်ငန်းများကို စာစု (၉) ခု ခွဲခြားကာ ဖော်ပြထားပါသည်။
စာပေဗိမာန်က “လူထုသိပ္ပံ ကျမ်း အတွဲ (၅)” စာအုပ်ကို ဖြန့်ချိရောင်းချ
ယခုအခါတွင် စာပေဗိမာန်က စာပေချစ်ပရိသတ်များ သိရှိလေ့လာနိုင်ရန် လူထုသိပ္ပံ ကျမ်း အတွဲ (၅) ကို ဒုတိယအကြိမ်အဖြစ် ပုံနှိပ်ထုတ်ဝေလိုက်ပါသည်။
စာအုပ်တွင် စာမျက်နှာ (၁၉၈) မျက်နှာ ပါဝင်ပြီး အဆိုပါစာအုပ်ကို ရောင်းဈေး (၃၅ဝဝ) ကျပ်ဖြင့် အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁-၈၂၄၉၀၃၁၊ ၀၁-၈၃၈၁၄၄၈)၊ အမှတ် (တ- ၅၅)၊ သပြေကုန်းစျေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁)၊ ၈၆ လမ်း၊ ၂၁ လမ်းနှင့် ၂၂ လမ်းကြား၊ မန္တလေးမြို့ရှိ စာပေဗိမာန်စာအုပ်ဆိုင် (ဖုန်း ၀၂-၄၀၃၀၁၈၆) နှင့် အမြို့မြို့ရှိ စာပေဗိမာန် ကိုယ်စားလှယ်များထံတွင် ဆက်သွယ်ဝယ်ယူနိုင်ကြောင်းနှင့် လက်ကားမှာယူလိုပါက အမှတ် ၅၂၉-၅၃၁၊ ကုန်သည်လမ်းရှိ စာပေဗိမာန်၊ အရောင်းဌာန (ဖုန်း ၀၁-၈၂၄၉၀၃၁၊ ၀၁-၈၃၈၁၄၄၈) သို့ ဆက်သွယ်နိုင်ကြောင်း သတင်းရရှိသည်။
