အခမ်းအနားများ

 ခုနှစ်အတွက် ပခုက္ကူဦးအုံးဖေ တည်ထောင်သော ပခုက္ကူ စာပေဆု၊ ပခုက္ကူ စာပေတစ်သက်တာ စာပေဆု၊ ပခုက္ကူ ဦးအုံးဖေ စာကြည့်တိုက်စာအုပ်ဆုနှင့် ပညာရည်ချွန်ဆု ဆုချီးမြှင့်ပွဲ အခမ်းအနားကို ၂၇-၉-၂၀၁၉ နံနက် (၉:၀၀)နာရီတွင် သိမ်ဖြူလမ်းရှိ ရန်ကုန်မြို့ ပုံနှိပ်ရေးနှင့်ထုတ်ဝေရေးဉီးစီးဌာန စုပေါင်းခန်းမ ကျင်းပရာ ပြန်ကြားရေးဝန်ကြီးဌာန ပုံနှိပ်ရေးနှင့်ထုတ်ဝေရေး ဉီးစီးဌာန ညွှန်ကြားရေးမှူးချုပ် ဉီးအောင်မျိုးမြင့် တက်ရောက်အမှာစကား ပြောကြားခဲ့သည်။

ဆက်လက်၍ မြန်မာနိုင်ငံစာရေးဆရာအသင်း ဥက္ကဋ္ဌ၊ ပခုက္ကူစာပေဆုရန်ပုံငွေ ကြီးကြပ်ရေး ကော်မတီဥက္ကဋ္ဌ ဦးကျော်ဝင်း(မနုဿကျော်ဝင်း) က ပခုက္ကူဦးအုံးဖေ စာပေဆု ချီးမြှင့်ရခြင်းနှင့် စပ်လျဉ်း၍ အမှာစကား ပြောကြားသည်။

ထို့နောက် ၂၀၁၈ ခုနှစ်အတွက် ပခုက္ကူ ဦးအုံးဖေ တည်ထောင်သော ပခုက္ကူ စာပေဆုများကို ပေးအပ် ချီးမြှင့်ရာ မြန်မာနိုင်ငံစာရေးဆရာအသင်း ဥက္ကဋ္ဌ၊ ပခုက္ကူစာပေဆုရန်ပုံငွေ ကြီးကြပ်ရေး ကော်မတီဥက္ကဋ္ဌ ဦးကျော်ဝင်း(မနုဿကျော်ဝင်း) က ပခုက္ကူတစ်သက်တာစာပေဆုရ ဆရာကြီး ဉီးမြတ်သူ (တက္ကသိုလ်မြတ်သူ) အား ဆုချီးမြှင့်ခဲ့သည်။

ဆက်လက်၍ ပုံနှိပ်ရေးနှင့်ထုတ်ဝေရေးဉီးစီးဌာန ညွှန်ကြားရေးမှူးချုပ် ဉီးအောင်မျိုးမြင့်က ကဗျာပေါင်းချုပ် ပထမဆုရ ဆရာချစ်စုအောင်၊ ကဗျာပေါင်းချုပ် ဒုတိယဆုရ ဆရာကောင်းနွဲ့၊ ကဗျာပေါင်းချုပ် တတိယဆုရ ဆရာအင်ပင်သန်းဌေးအောင်တို့ကို ဆုများပေးအပ်ချီးမြှင့်သည်။

ဆက်လက်၍ မြန်မာနိုင်ငံစာရေးဆရာအသင်းမှ တာဝန်ရှိသူများနှင့်ပခုက္ကူစာကြည့်တိုက်ကော်မတီ ဥက္ကဋ္ဌတို့က ဝတ္တုရှည်၊ ဝတ္တုတိုပေါင်းချုပ်၊ ကျမ်းစာပေ၊ သုတေသနစာပေဆုနှင့်စာကြည့်တိုက် စာအုပ်ဆုများ အမျိုးသားယဉ်ကျေးမှုနှင့် အနုပညာတက္ကသိုလ် ပညာသင်ဆုနှင့် ပခုက္ကူဦးအုံးဖေ ပညာရည်ချွန်ဆုရရှိသူ ကျောင်းသား၊ ကျောင်းသူများအား ဂုဏ်ပြုဆုများကို ပေးအပ်ချီးမြှင့်သည်။

ယင်းနောက် စာပေဆုအလှူရှင် ပခုက္ကူဦးအုံးဖေကိုယ်စား ပခုက္ကူဦးအုံးဖေ စာကြည့်တိုက် ကော်မတီဥက္ကဋ္ဌ ဦးတင့်ဆွေက ပခုက္ကူဦးအုံးဖေ စာပေဆုဖြစ်ပေါ်လာပုံနှင့် စပ်လျဉ်း၍ ရှင်းလင်းပြောကြားသည်။

ဆက်လက်၍ ၂၀၁၈ ခုနှစ်အတွက် ပခုက္ကူတစ်သက်တာ စာပေဆုရ ဆရာကြီး ဦးမြတ်သူ (တက္ကသိုလ်မြတ်သူ) က ဆုရရှိသူများကိုယ်စား ကျေးဇူးတင်စကား ပြန်လည်ပြောကြားသည်။

ထို့နောက် အလှူရှင်များက ပခုက္ကူဦးအုံးဖေ တည်ထောင်သော ပခုက္ကူဦးအုံးဖေ စာပေဆု ရန်ပုံငွေကြီးကြပ်ရေးကော်မတီသို့ အလှူငွေများ ပေးအပ်ချီးမြှင့်ခဲ့ပြီး အလှူရှင် ဉီးကာစီက လှူဒါန်းရခြင်းအကြောင်း ရှင်းလင်းတင်ပြပါသည်။

ယင်းနောက် တာဝန်ရှိသူများနှင့် ၂၀၁၈ ခုနှစ်အတွက် ပခုက္ကူစာပေဆုရရှိသူများ၊ ပညာသင်ဆု ရရှိသူများနှင့်အတူ စုပေါင်းမှတ်တမ်းတင် ဓာတ်ပုံရိုက်ကြကြောင်းသိရှိရသည်။