စာပေဗိမာန်

၂၀၁၆ ခုနှစ်အတွက် စာပေဗိမာန်စာမူဆု ဆုရွေးချယ်နိုင်ရန်အတွက် စာပေဗိမာန်စာမူဆု  ဆုရွေးချယ်ရေးအဖွဲ့ဝင်များ အပြီးသတ် အဖွဲ့ကြီး အစည်းအဝေးကို ၂ဝ၁၇ ခုနှစ် အောင်တိုဘာလ ၁၉ ရက် မွန်းလွဲ (၁:၀၀)  နာရီက ရန်ကုန်မြို့၊  ကုန်သည်လမ်းရှိ စာပေဗိမာန်ရုံး အစည်းအဝေး ခန်းမ၌ ကျင်းပသည်။

စာပေဗိမာန်စာမူဆုရွေးချယ်ရေးအဖွဲ့ အဖွဲ့ကြီးအစည်းအဝေးသို့ ဥက္ကဋ္ဌ ဦးကျော်ဝင်း (မနုဿကျော်ဝင်း)နှင့် အဖွဲ့ဝင်များဖြစ်ကြသော ဒေါ်ချိုချိုတင် (မစန္ဒာ)၊ ဒေါက်တာအေးကျော် (ဆေးသုတေသန)၊ ဦးစိန်လှိုင် (သူရဇော်)၊ ဦးညွန့်ဟံ (ညွန့်ဟံ-ကြူတော)၊ ဦးဝင်းငြိမ်း၊ ဒေါ်ခင်သန်းဝင်း (ကြူကြူသင်း)၊ ဦးမောင်လှိုင် (မောင်ဆွေငယ်)၊ ဦးမျိုးအောင် (မျိုးအောင်-ရုက္ခဗေဒ)၊ ဦးမြင့်ထွန်း (ဆုပြည့်စုံထွန်းစာပေတိုက်)၊ ဦးကိုကို (ကိုကို-စက်မှုတက္ကသိုလ်)၊ ဦးသိမ်းစိုး (သီဟရတနာစာပေတိုက်)၊ ဒေါက်တာစိုးနိုင် (ပါမောက္ခ-မြန်မာစာဌာန)၊ ဦးမောင်မောင်ဦး (ဟိန်းလတ်)၊ ဦးသန်းအုန်း (မောင်ဇေယျာ)၊ ဦးတင့်ခိုင် (တင့်ခိုင်)၊  ဦးကျော်ဦး (ပါရမီစာပေတိုက်)၊ ဦးနေမျိုးနိုင် (နေမျိုးနိုင်)၊ ဦးမြတ်ဝေတိုး (မြတ်ဝေတိုး-ပညာရေးတက္ကသိုလ်)၊ ဦးအောင်သန်းဦး (ပုသိမ်အောင်သန်းဦး)၊ ဦးမောင်မောင်ဦး (သန်လျင်မောင်မောင်ဦး)၊ ဒေါက်တာမြင့်သန်း (ညောင်လေးပင်)၊ ဒေါ်မြမြသန်း (မနှင်းဖွေး) တို့ တက်ရောက်ကြ ပြီး ဒေါက်တာတင်မောင်ထွေး (ဒေါက်ထွေး/ဆေး-မန်း) နှင့် ဦးမျိုးအောင် (ငြိမ်းမင်း) တို့ ခွင့်ပန်ခဲ့ကြသည်။

အစည်းအဝေးတွင် စာပေဗိမာန်စာမူဆုရွေးချယ်ရေးအဖွဲ့က စာပေဗိမာန်စာမူဆု ရွေးချယ်ရေးနှင့် ပတ်သက်၍ လိုအပ်သည်များကို ရှင်းလင်းတင်ပြကာ အဖွဲ့ဝင်များက ပြန်လည်ဆွေးနွေးခဲ့ကြသည်။ အဆိုပါ အစည်းအဝေးကို မွန်းလွဲ ၃ နာရီတွင် ရုပ်သိမ်းခဲ့ကြောင်း သတင်းရရှိသည်။