စာပေဗိမာန်

၂၀၁၆ ခုနှစ်အတွက် အမျိုးသားစာပေဆု စိစစ်ရွေးချယ်ရာတွင် ထည့်သွင်းစဉ်းစားနိုင်ရေး ၂၀၁၆ ခုနှစ်အတွင်း ပထမအကြိမ်ထုတ် စာအုပ်များကို စာပေဆုများ အုပ်ချုပ်ထောက်ပံ့မှုကော်မတီရုံး စာပေဗိမာန်သို့ ပေးပို့ကြရန် စာရေးသူ၊ ပုံနှိပ်သူနှင့် ထုတ်ဝေဖြန့်ချိသူများနှင့် ပြည်သူများကို နိုင်ငံပိုင် သတင်းစာများ၊ မြန်မာ့အသံနှင့်ရုပ်မြင်သံကြားသတင်းဌာနများမှတစ်ဆင့်  မေတ္တာရပ်ခံ နှိုးဆော်ခဲ့ပါသည်။

အဆိုပါ မေတ္တာရပ်ခံချက်အရ စာရေးသူ၊ ပုံနှိပ်သူနှင့် ထုတ်ဝေဖြန့်ချိသူတို့က ၂၀၁၆ ခုနှစ်အတွင်း ပထမအကြိမ်ထုတ် စာအုပ်များကို တစ်မျိုးလျှင် (၄) အုပ် နှုန်းဖြင့် စာပေဗိမာန်ရုံးသို့ လာရောက်ပေးပို့လျက်ရှိရာ စာပေဗိမာန်ရုံးက လက်ခံရရှိကြောင်း ပြန်ကြားပေးခြင်း၊ www.moi.gov.mm/ppd Web Site တွင် သတင်းထုတ်ပြန်ခြင်း၊ ရရှိလာသည့် စာအုပ်များကို အမျိုးသားစာပေဆု ရွေးချယ်ရေးအတွက် သတ်မှတ်ထားသော ဘာသာရပ် (၁၆) မျိုးအလိုက် ဘာသာရပ်များ ခွဲခြားမှတ်တမ်းတင်ခြင်း စသည်တို့ ဆောင်ရွက်လျက်ရှိပါသည်။ ၂၀၁၇ ခုနှစ် မေလ (၂၆) တွင် စာအုပ် (၈) မျိုး ထပ်မံရရှိခဲ့ရာ လာရောက် ပေးပို့သည့် ရက်များကိုလည်း Web Site  တွင် သတင်းအဖြစ် ဖော်ပြခဲ့ပြီး ဖြစ်ပါသည်။ ယင်းစာအုပ်များ စာရင်းကို အောက်တွင် စုစည်းဖော်ပြ ပေးထားပါသည်။

(၁) အရင်းအနှီးစျေးကွက်နှင့် စီးပွားရေးပဲ့တင်သံ - မောင်တိုင်ပင်၊ (၂) ကမ္ဘာကြီးရဲ့တောင်ပံတစ်စုံ - ဒေါက်တာဖြိုးသီဟ၊ (၃) မှတ်ဖွယ်မှတ်ရာ မြန်မာသဒ္ဒါ - ဆရာချိန် (ပဲခူး)၊ (၄) လီကွမ်းယူ၏ အတွေးအခေါ် - ဦးတင်ဦး (ကျူရှင်)၊ (၅) ရင်းနှီးမြှုပ်နှံမှု လုပ်ငန်းစဉ်နှင့် ရွေးချယ်ဆုံးဖြတ်ခြင်း ဆိုင်ရာလမ်းညွှန် - သိန်းလွင် (ပြည်ပပို့ကုန်)၊ (၆) ကျောက်မျက်လမ်းညွှန် - ကျောက်ရိုင်း (ဘူမိ)၊ (၇) ဘိုးဘပိုင်မြေများနှင့် လယ်ယာမြေ ဥပဒေ ဆိုင်ရာပြဿနာများ - ဦးဇော်မင်း (နတ်မောက်)၊ (၈) မိဂသမ္မတာမြစ်ကမ်းကို တည်ပုဒ်ပြု၍နှင့် မြန်မာစာ သုတေသနစာတမ်းများ - ပါမောက္ခဒေါက်တာ ညိမ်းညိမ်း