စာပေဗိမာန်

၂၀၁၇ ခုနှစ်၊ စာပေဗိမာန်မိသားစု နှစ်သစ်မင်္ဂလာ အခမ်းအနားကို ၂-၁-၂၀၁၇ ခုနှစ်၊ နံနက် ၁၀ နာရီတွင် ကုန်သည်လမ်းရှိ စာပေဗိမာန်ရုံး အစည်းအဝေးခန်းမ၌ ကျင်းပရာ စာပေဗိမန်မာန်မှဝန်ထမ်းများနှင့် အငြိမ်းစားဝန်ထမ်းများ တက်ရောက်ခဲ့ကြသည်။ အခမ်းအနား တွင် နံနက်ပိုင်း၌ သံဃာတော် (၅) ပါးကို ပင့်ဖိတ်ပြီး နေ့ဆွမ်းကပ်ခြင်း၊ သံဃာတော်များထံမှ သီလဆောက်တည်ခြင်း၊ ပရိတ်တရားတော်များ နာယူပူဇော်ခြင်း၊ လှူဖွယ်၀တ္ထုအစုစု ဆက်ကပ်လှူဒါန်းခြင်း ရေစက်သွန်းချ အမျှပေးဝေခြင်းတို့ ဆောင်ရွက်ခဲ့ကြသည်။ ထို့နောက် အခမ်းအနားတက်ရောက်လာသူများကို ကြက်ဆီထမင်းနှင့် ရေခဲမုန့်များ တည်ခင်းဧည့်ခံကျွေးမွေး ခဲ့ပါသည်။ နေ့လယ်ပိုင်းတွင် စာပေဗိမာန်မိသားစု၏ နှစ်သစ်မင်္ဂလာအခမ်းအနားကို ဆက်လက်ကျင်းပရာ စာတည်းမှူးချုပ်ဦးအောင်သန်း (မင်းခန့်ရွှေ) က နှစ်သစ်မင်္ဂလာ နှုတ်ခွန်းဆက်စကားပြောကြားပြီး သက်ပြည့်အငြိမ်းစား ဝန်ထမ်းနှစ်ဦးကို တစ်ဦးလျှင် ငွေကျပ်တစ်သိန်းစီ ထောက်ပံ့ပေးအပ်ခဲ့ပါသည်။ ထို့နောက် ဝန်ထမ်းများကို ဗလာမပါ ကံစမ်းမဲနှိုက်၍ အမှတ်တရ လက်ဆောင်များ ပေးအပ်ခဲ့ပြီး အခမ်းအနားကို ၁၇ : ၀၀ နာရီတွင် အောင်မြင်စွာ ရုပ်သိမ်းခဲ့ပါသည်။