ပြိုင်ပွဲများ

စာပေဖွံ့ဖြိုးတိုးတက်ရေးလုပ်ငန်းများကို အစဉ်တစိုက်ဆောင်ရွက်ခဲ့သော အစဉ်အလာကောင်းများရှိသည့် စာပေဗိမာန်သည် ဂျပန်နိုင်ငံ Shanti Volunteer Association (SVA) (ရှန်တိစေတနာ့ဝန်ထမ်းအဖွဲ့)တို့ ပူးပေါင်းပြီး လူငယ်များ ဘာသာပြန်စွမ်းရည်ဖွံ့ဖြိူးတိုးတက်စေရန်ဘာသာပြန်ပြိုင်ပွဲကို ဒုတိယအကြိမ် ကျင်းပသွားမည်ဖြစ်သည်။

ပြိုင်ပွဲကို အသက်(၁၈) နှစ်မှ (၃၀) နှစ်အတွင်း စိတ်ဝင်စားသူ မြန်မာနိုင်ငံသားအားလုံး ယှဉ်ပြိုင်နိုင်ပြီး ပြန်ဆိုရမည့်စာအုပ်မှာ " Asia / Pacific Co-publication Programme ကပြုစုဖြန့်ချိသော "Asian Stories for Young Readers" စာအုပ်ဖြစ်သည်။ ပြိုင်ပွဲဝင်လိုသူများသည် ရန်ကုန်မြို့၊ ကုန်သည်လမ်းရှိ၊ စာပေဗိမာန်ရုံး ဘာသာပြန်ဌာနစုတွင် ပြဋ္ဌာန်းစာအုပ်နှင့်ပြိုင်ပွဲဝင်လျှောက်လွှာပုံစံကို စက်တင်ဘာလ(၁၅) ရက်မှ ၂၀၁၆ ခုနှစ်၊ အောက်တိုဘာလ (၃၁) ရက်အတွင်း နိုင်ငံသားစိစစ်ရေး ကတ်ပြား (မိတ္တူ)နှင့်အတူ ကိုယ်တိုင်လာရောက်ပြီး အခမဲ့ ထုတ်ယူနိုင်သည်။

နယ်မှပြိုင်ပွဲဝင်လိုသူများသည် နိုင်ငံသားစိစစ်ရေးကတ်ပြား (မိတ္တူ)၊ နေရပ်လိပ်စာအပြည့်အစုံ ဆက်သွယ်ရမည့်ဖုန်းနံပါတ်၊ ပြဋ္ဌာန်းစာအုပ်ပေးပို့ခ (၃၀၀၀ိ/-)တို့နှင့်အတူ စာတည်းမှူးချုပ်၊ စာပေဗိမာန် ရုံး၊ အမှတ် (၅၂၉/၅၃၁) ကုန်သည်လမ်း၊ ရန်ကုန်မြို့သို့ လိပ်မူ၍ မှာကြားနိုင်သည်။

ဘာသာပြန်စာမူများကို (၁၇-၁၀-၂၀၁၆) ရက်မှ (၃၁-၁၂-၂၀၁၆) ရက်ထိလက်ခံသွားမည် ဖြစ်သည်။ စာမူများကို ပညာရှင်များပါဝင်သော စိစစ်ရွေးချယ်ရေးအဖွဲ့ဖြင့် စနစ်တကျ စိစစ်ရွေးချယ်သွားမည်ဖြစ်သည်။ ပထမဆု၊ ဒုတိယဆု၊ တတိယဆုတို့ကို ထိုက်ထိုက်တန်တန် ချီးမြှင့်မည်ဖြစ်ပြီး ပထမဆုရစာမူကို စာအုပ်အဖြစ် ရိုက်နှိပ်ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန အောက်ရှိ စာကြည့်တိုက်များသို့ လှူဒါန်းသွားမည်ဖြစ်သည်။ အသေးစိတ်သိရှိလိုပါက ဘာသာပြန်ဌာနစု၊ စာတည်း (တာဝန်ခံ)၊ ဖုန်းနံပါတ် (၀၁-၂၄၉၂၃၀) သို့စုံစမ်းမေးမြန်းနိုင်သည်။ ဘာသာပြန်ပြိုင်ပွဲ ဝင်လိုသူများအတွက် သတ်မှတ်ထားသော စည်းကမ်းချက်များနှင့် စာမူဆုပြိုင်ပွဲဝင်ပုံစံကို www.sarpaybeikman-pol.gov.mm တွင်ကြည့်ရှုနိုင်ပါသည်။