related topics
စာမူများ
ဥယျောဇဉ်
27-Sep-2016
စာမူများ,
အမျိူးသားခေါင်းဆောင်ကြီး ဗိုလ်ချုပ်အောင်ဆန်းသည် ၇-၆-၁၉၄၇ ရက်တွင် ကျင်းပသော "ဆိုရန်တိုဗီလာစီမံကိန်း ရေးဆွဲရေးအစည်းအဝေး" ၌ "လူထုပညာရေးဖွံ့ဖြိုးမှုနှင့်စပ်လျဉ်း၍ ဘာသာပြန်ဌာနကြီးတစ်ခုဖွင့်ရန်" လမ်းညွှန်မိန့်ကြားခဲ့ပါသည်။ ဗိုလ်ချုပ်၏မိန့်မှာချက်ကို ဦးနု ဦးဆောင်သော စာပေပညာရှင်များက အလေးအနက် ခံယူကာ ၂၆-၈-၁၉၄၇ ရက်တွင် "မြန်မာနိုင်ငံ ဘာသာပြန်စာပေအသင်းကြီး Burma Translation Society" ကို စတင်ဖွဲ့စည်းခဲ့သည်။
အသင်းကြီးသည် "အမှောင်ခွင်း၍ အလင်းဆောင်အံ့ Light, where darkness was" ဟူသော ဆောင်ပုဒ်ဖြင့် မြန်မာပြည်သူများကို ပညာမျက်စိဖွင့်ပေးခဲ့သည်။ အသင်းကြီးကို စာပေဗိမာန်ဟုအမည်ပြောင်းလဲခဲ့ပြီး နောက်ပိုင်းတွင်လည်းစာပေဗိမာန်သည် အသင်းကြီး၏ရည်ရွယ်ချက်၊ ဆောင်ပုဒ်တို့နှင့်အညီ အစဉ်အလာကောင်းများကို ဆက်လက်ထိန်းသိမ်းပြီး ပြည်သူကိုဝန်ဆောင်မှု အပြည့်အဝပေးခဲ့ကြသည်မှာ ယခုဆိုလျှင် (၆၉) နှစ်ပြည့်မြောက်ခဲ့ပြီဖြစ်သည်။
ဒီမိုကရေစီနိုင်ငံတော်သစ်တည်ဆောက်နေသော ယနေ့အခါသမယတွင် တိုးတက်ပြောင်းလဲလာသော ခေတ်စနစ်နှင့်အညီ ပြည်သူကိုမျက်နှာမူလျက် စာပေဖွံ့ဖြိုးရေးလုပ်ငန်းများကို ဆတက်ထမ်းပိုးဆောင်ရန်မှာ မျိုးဆက်သစ်များ၏တာဝန်ဖြစ်ပေသည်။
သို့ဖြစ်၍ စာပေဗိမာန်၏အစဉ်အလာကောင်းများကို "မေတ္တာဝန်" ဟုခံယူလျက် ဆက်လက်တိုးတက်အောင် ကြံဆောင်ကြိုးပမ်းကြပါဟု အလေးအနက် တိုင်တွန်းအပ်ပေသည်။
စာတည်းမှူးချုပ်
စာပေဗိမာန်
ရက်စွဲ။ ၂၀၁၆ ခုနှစ်၊ သြဂုတ်လ ၂၆ ရက်
