related topics
“နှစ်ငါးဆယ် သိပ္ပံရေးရာ” စာအုပ် ထုတ်ဝေဖြန့်ချိ
17-Sep-2026
စာပေဗိမာန်,
စာပေဗိမာန်သည် ၂၀ ရာစုအစမှ အလယ်ပိုင်းအထိ နှစ် ၅၀ အတွင်း ကမ္ဘာတစ်ဝန်း သိပ္ပံ ရေးရာကဏ္ဍ တိုးတက်မှုများကို မှတ်တမ်းတင်ထားသည့် “နှစ်ငါးဆယ် သိပ္ပံရေးရာ” စာအုပ်ကို ပြန်လည် ထုတ်ဝေလိုက်ပါသည်။
အဆိုပါစာအုပ်တွင် စာစုပေါင်း ၁၃ စု ပါဝင်ပြီး ၂၀ ရာစု ပထမအနှစ် ၅၀၊ သိပ္ပံပညာနှင့် စပ်လျဉ်း၍ အသစ်အဆန်းတွေ့ရှိမှုများ၊ သိပ္ပံပညာ ထွန်းကားလာပုံ၊ ဆေးပညာတိုးတက်လာပုံ၊ ရေဒီယိုစတင်ပေါ်ပေါက်လာပုံ၊ ပထမကမ္ဘာစစ်ကြီးအတွင်း တိုးတက်မှုများ၊ အက်တမ်ကိုဖြိုဖျက်၍ စွမ်းအင်အမြောက်အမြား ရရှိနိုင်မည့်နည်းကို တွေ့ရှိလာပုံ၊ ဒုတိယကမ္ဘာစစ်အတွင်း တိုးတက်မှုများ၊ အက်တမ်စွမ်းအင်၊ ၂၀ ရာစုအလယ်ခေတ်တွင် သိပ္ပံပညာ ဒီရေအလား တိုးတက်နေပုံ စသည့် အကြောင်းရပ်များကို တင်ပြထားပါသည်။
၁၉၀၀ ပြည့်နှစ်မှ ၁၉၅၀ ပြည့်နှစ်အထိ နှစ်ပေါင်း ၅၀ အတွင်း ကမ္ဘာပေါ်ရှိ အဖြစ်အပျက် ဟူသမျှကို ရုပ်ပုံ၊ ဓာတ်ပုံတို့နှင့်တကွ ဖော်ပြထားသည့်အတွက် သိပ္ပံပညာကို စိတ်ဝင်စားသူ၊ သိပ္ပံ ဆိုင်ရာ သမိုင်းဖြစ်ရပ်များကို လေ့လာလိုသူ စာဖတ်ပရိသတ်များအတွက် စာအုပ်ကောင်းတစ်အုပ် ဖြစ်ပါသည်။
စာအုပ်တွင် စာမျက်နှာ ၁၄၅ မျက်နှာပါဝင်ပြီး တန်ဖိုး ၂၅၀၀ ကျပ်ဖြင့် ရန်ကုန်မြို့၊ အမှတ် ၅၂၉-၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁-၂၄၉၀၃၁၊ ၀၁-၃၈၁ ၄၄၈)၊ အမှတ် (တ-၅၅)၊ သပြေကုန်းဈေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁)၊ ၈၆ လမ်း၊ ၂၁ လမ်းနှင့် ၂၂ လမ်းကြား၊ မန္တလေးမြို့ရှိ စာပေဗိမာန် စာအုပ်ဆိုင် (ဖုန်း ၀၂-၄၀၃၀၁၈၆) တို့တွင် ဝယ်ယူရရှိနိုင်ကြောင်း သတင်းရရှိသည်။
