စာအုပ်အမည် - “နံနက်ခင်းရဲ့ ပန်းလက်ဆောင် ကဗျာများ”

စာရေးဆရာအမည် - ရှိန်မြင့်ထက် (ဝါးကြီးအိုင့်)

တန်ဖိုး - ၂၅၀၀

စာညွှန်း -

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်က ပခုက္ကူစာပေဆု၊ ကဗျာပေါင်းချုပ် ဒုတိယဆုရရှိသည့် စာရေးဆရာ ရှိန်မြင့်ထက် (ဝါးကြီးအိုင့်) ၏  “နံနက်ခင်းရဲ့ ပန်းလက်ဆောင် ကဗျာများ” စာအုပ်ကို ဖြန့်ချိရောင်းချလျက်ရှိသည်။

ယင်းစာအုပ်တွင် မင်္ဂလာ နံနက်ခင်း၊ ထိပ်ဆုံးဆီသို့၊ မတည်မြဲခြင်း၊ မေမေ၊ သုံးဖြာဆရာ မမေ့ပါ၊ အချစ်၊ လွမ်းနေဆဲပါ ချစ်သောအညာ၊ အဓိက အား၊ တပ်မတော်သားတွေ ကတဲ့ဇာတ်၊ မြန်ပြည်တွင်း စသည့် ကဗျာပုဒ်ပေါင်း ၆၀ ပါရှိသည်။ လေးလုံးစပ်လင်္ကာ၊ ဒွေးချိုး၊ လေးဆစ်ချိုး၊ အချိုးတွဲ၊ တျာချင်း၊ ရှစ်လုံးဖွဲ့ကဗျာ စသည်ဖြင့် မြန်မာကဗျာဖွဲ့နည်း အတန်အသင့်စုံလင်အောင် ရေးဖွဲ့ထားပြီး လက်ရှိပစ္စက္ခ သောင်းကျန်းသူတို့၏ အဖျက်အမှောင့်လုပ်ရပ်များကြောင့် ပြည်သူများ ဒုက္ခရောက်ကြပုံကိုလည်း ဖြစ်ရပ်မှန်ကို ရသစုံဖြင့် ထုံမွမ်းတင်ပြထားသည်။ တိုင်းချစ်ပြည်ချစ် မျိုးချစ်စိတ်ဓာတ်ထက်သန်ရေး၊ ငြိမ်းချမ်းရေး၊ ကျေးလက်ဓလေ့ကဗျာများ၊ ရိုးရာယဉ်ကျေးမှု ထိန်းသိမ်းစေရေးကဗျာများ၊ စာပေဆိုင်ရာကဗျာများ စသည်ဖြင့် စုံလင်စွာ ရေးဖွဲ့ထားသည့် စာအုပ်ကောင်းတစ်အုပ်ဖြစ်သည်။ 

အဆိုပါစာအုပ်ကို ရောင်းဈေး (၂၅ဝဝ) ကျပ်ဖြင့် အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁၈-၂၄၉၀၃၁၊ ၀၁၈-၃၈၁၄၄၈)၊ အမှတ် (တ- ၅၅)၊ သပြေကုန်းစျေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁၊ ၀၉-၄၄၉၅၄၀၆၆၇)၊ ၈၆ လမ်း၊ ၂၁ လမ်းနှင့် ၂၂ လမ်းကြား၊ မန္တလေးမြို့ရှိ စာပေဗိမာန်စာအုပ်ဆိုင် (ဖုန်း ၀၂-၄၀၃၀၁၈၆) နှင့် အမြို့မြို့ရှိ စာပေဗိမာန် ကိုယ်စားလှယ်များထံတွင် ဆက်သွယ်ဝယ်ယူနိုင်ကြောင်းနှင့် လက်ကားမှာယူလိုပါက အမှတ် ၅၂၉-၅၃၁၊ ကုန်သည်လမ်းရှိ စာပေဗိမာန်၊ အရောင်းဌာန (ဖုန်း ၀၁၈-၂၄၉၀၃၁၊ ၀၁၈-၃၈၁၄၄၈) သို့ ဆက်သွယ်နိုင်ကြောင်း သတင်းရရှိသည်။