စာအုပ်အမည် - “ပိုးနှင့် အခြားသုတ၊ ရသဝတ္ထုတိုများ”

စာရေးဆရာအမည် - နန္ဒာခင် (သက္ကလမြေ)

တန်ဖိုး - ၃၅၀၀

စာညွှန်း -

“နန္ဒာခင် (သက္ကလမြေ)” ရေးသားသည့် “ပိုးနှင့် အခြားသုတ၊ ရသဝတ္ထုတိုများ” စာအုပ်ကို စာပေဗိမာန်က ထုတ်ဝေဖြန့်ချိ

ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန၊ စာပေဗိမာန်က စာပေဗိမာန် စာမူဆု၊ ဝတ္ထုတိုပေါင်းချုပ် တတိယဆုရရှိသည့် စာရေးသူ "နန္ဒာခင် (သက္ကလမြေ)" ၏ “ပိုးနှင့် အခြားသုတ၊ ရသဝတ္ထုတိုများ” စာအုပ်ကို ဖြန့်ချိရောင်းချလျက်ရှိသည်။

ယင်းစာအုပ်တွင် (၁) ကြမ်း (၂) တော (၃) ထန်း (၄) ဆည် (၅) တီ (၆) လာဘ် (၇) ကပ် (၈) ရှက် (၉) ပိုး (၁၀) မိုး (၁၁) ကျမ်း (၁၂) ပြင် ဟူ၍ ဝတ္ထုတို ၁၂ ပုဒ်ပါဝင်သည်။ အကြောက်တရားရှိမှ ဟီရိဩတ္တပ္ပတရားရှိပြီး လောကကြီးမင်္ဂလာရှိမည်ဟူသော ရှေးအဘိုးအဘွားများ၏ ဆိုဆုံးမ ဩဝါဒစကားအရ သားသမီးမြေးများကို စည်းကမ်းဖြင့် စနစ်တကျ ထိန်းကျောင်းပေးနေသော အဘွား၏ဖြစ်ရပ်ကို အကွပ်မဲ့ကြမ်းသဘောမျိုး တင်စားဖွဲ့ဆိုထားသော ‘ကြမ်း’ဝတ္ထုတို၊ ရှေးအခါက တီဘီ၊ တိုက်ဖိုက်၊ ကင်ဆာ၊ အသည်း ဘီပိုး၊ AIDS များဖြစ်ကြသည့်အခါ ကိုယ်ခံအားကောင်းဖို့လိုသည်ဟု သိရှိထားကြသူများသည် ‘ကိုဗစ်ပိုး’ နှင့် တွေ့ကြုံရသောအခါ လူ့အသက်ပေါင်း မြောက်မြားစွာ သေဆုံးခဲ့ကြရပုံ၊ ကြောက်ရွံ့တုန်လှုပ်နေသည့်ကြားမှ ချောက်ချားစွာ သေဆုံး၊ ယူကျုံးမရ၊ အပူလုံးကြွကြပုံ၊ ရှင်ခြင်းနှင့် သေခြင်းကြား ခြားထားသောနံရံမှာ အလွန်ပါးလွှာလွန်းပုံများကို စာနာဖွယ်၊ ရင်နင့်ဖွယ်၊ ကြေကွဲဖွယ်ကောင်းအောင် ရေးဖွဲ့ထားသော ‘ပိုး’ ဝတ္ထုတိုအပါအဝင် မြို့ပြစရိုက်နှင့် တောဓလေ့သဘာဝ၊ မြန်မာပြည်ဆိုတာ သစ်တောနှင့် သစ်ပင်ကို ချစ်ခင်မြတ်နိုးသည့်လူမျိုး၊ အညာဒေသ ထန်းကိုချစ်သော မြန်မာမှုမြန်မာ့ဟန်ကို ပေါ်လွင်စွာ လှုံ့ဆော်မှု၊ လူ့ဘဝဆိုသည်မှာ နေတတ်လျှင် မြတ်သည်၊ အသက်ရှင်နေခြင်းသည် ‘လာဘ်’ တစ်ပါးပါ၊ လူ့ဘဝမှာ အမြတ်မရလျှင်တောင်မှ အရင်းမရှုံးရအောင် နေတတ်ကြပါစေဟု စသည်ဖြင့် ဘဝအလွှာအသီးသီးမှာ ဖြစ်ပျက်ပုံမျိုးစုံကို သုတရသ စုံညီစွာရေးဖွဲ့ထားသည့် စာအုပ်ကောင်းတစ်အုပ် ဖြစ်ပါသည်။

အဆိုပါစာအုပ်ကို ရောင်းဈေး (၃၅ဝဝ) ကျပ်ဖြင့် အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်စာအုပ်ဆိုင် (ဖုန်း ၀၁၈-၂၄၉၀၃၁၊ ၀၁၈-၃၈၁၄၄၈)၊ အမှတ် (တ- ၅၅)၊ သပြေကုန်းစျေး၊ နေပြည်တော်ရှိ စာပေဗိမာန်စာအုပ်ဆိုင် (ဖုန်း ၀၆၇-၃၄၁၄၆၈၁၊ ၀၉-၄၄၉၅၄၀၆၆၇)၊ ၈၆ လမ်း၊ ၂၁ လမ်းနှင့် ၂၂ လမ်းကြား၊ မန္တလေးမြို့ရှိ စာပေဗိမာန်စာအုပ်ဆိုင် (ဖုန်း ၀၂-၄၀၃၀၁၈၆) နှင့် အမြို့မြို့ရှိ စာပေဗိမာန် ကိုယ်စားလှယ်များထံတွင် ဆက်သွယ်ဝယ်ယူနိုင်ကြောင်းနှင့် လက်ကားမှာယူလိုပါက အမှတ် ၅၂၉ - ၅၃၁၊ ကုန်သည်လမ်းရှိ စာပေဗိမာန်၊ အရောင်းဌာန (ဖုန်း ၀၁၈-၂၄၉၀၃၁၊ ၀၁၈-၃၈၁၄၄၈) သို့ ဆက်သွယ်နိုင်ကြောင်း သတင်းရရှိသည်။