စာပေဗိမာန်

၂၀၁၈ ခုနှစ်အတွက် အမျိုးသားစာပေဆု စိစစ်ရွေးချယ်ရာတွင် ထည့်သွင်းစဉ်းစားနိုင်ရေး ၂၀၁၈ ခုနှစ် အတွင်း ထုတ်ဝေသည့် စာအုပ်များကို စာပေဆုများ အုပ်ချုပ်ထောက်ပံ့မှုကော်မတီရုံး စာပေဗိမာန်သို့ ပေးပို့ကြရန် စာရေးသူ၊ ပုံနှိပ်သူနှင့် ထုတ်ဝေဖြန့်ချိသူများနှင့် ပြည်သူများကို နိုင်ငံပိုင်သတင်းစာများ၊ မြန်မာ့အသံနှင့်ရုပ်မြင်သံကြားသတင်းဌာနများမှတစ်ဆင့် မေတ္တာရပ်ခံ နှိုးဆော်ခဲ့ပါသည်။

အဆိုပါ မေတ္တာရပ်ခံချက်အရ မူပိုင်ခွင့်နှင့် မှတ်ပုံတင်ဌာနခွဲမှ ၂၀၁၈ ခုနှစ်အတွင်း ထုတ်ဝေသည့် စာအုပ်များကို တစ်မျိုးလျှင် (၂) အုပ်နှုန်းဖြင့် ပေးပို့လာရာ စာပေဗိမာန်ရုံးက လက်ခံရရှိကြောင်း ပြန်ကြားပေးခြင်း၊ www.moi.gov.mm/ppd Web Site တွင် သတင်းထုတ်ပြန်ခြင်း၊ ရရှိလာသည့် စာအုပ်များကို အမျိုးသားစာပေဆု ရွေးချယ်ရေးအတွက် သတ်မှတ်ထားသော ဘာသာရပ် (၁၆) မျိုး အလိုက် ဘာသာရပ်များ ခွဲခြားမှတ်တမ်းတင်ခြင်း စသည်တို့ ဆောင်ရွက်လျက်ရှိပါသည်။ ၂၀၁၉ ခုနှစ် ဇွန်လ (၁၉) ရက်တွင် စာအုပ် (၆) အုပ် ထပ်မံရရှိခဲ့ပါသည်။ ယင်းစာအုပ်များ စာရင်းကို အောက်ပါအတိုင်း စုစည်းဖော်ပြ အပ်ပါသည်-

(၁) ရူးမြစ် ကဗျာများ - ကလောင်စုံ၊ (၂) ပေါင်မုန့်ဆိုင် ကဗျာများ - ကလောင်စုံ၊ (၃) စစ်မြေပြင်မှ ဖြစ်ရပ်ဆန်းကြယ်များ - ၂ - ကလောင်စုံ၊ (၄) မြန်မာဂန္ထဝင် အတွဲ ၁၀၀ စာစဉ် အတွဲ ၃ - စာပေဗိမာန်၊ (၅) မြန်မာဂန္ထဝင် အတွဲ ၁၀၀ စာစဉ် အတွဲ ၂ - စာပေဗိမာန်၊ (၆) မြန်မာဂန္ထဝင် အတွဲ ၁၀၀ စာစဉ် အတွဲ ၁ - စာပေဗိမာန်