စာကြည့်တိုက်

ပြန်ကြားရေးဝန်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာနနှင့် အိန္ဒိယနိုင်ငံအစိုးရတို့အကြား စာဆိုဗိမာန်တည်ဆောက်ခြင်းစီမံကိန်း သဘောတူညီချက် (Project Agreement) ပါ JPMC (Joint Project Monitoring Committee) အဖွဲ့၏ ပဉ္စမအကြိမ် လုပ်ငန်းညှိနှိုင်း အစည်းအဝေးကို ၁၁-၁၂-၂၀၂၅ (ကြာသပတေးနေ့) မွန်းလွဲ ၁ : ၀၀ နာရီတွင် ရန်ကုန်မြို့ သိမ်ဖြူလမ်းရှိ ပုံနှိပ်ရေးနှင့် ထုတ်ဝေရေးဦးစီးဌာန ရုံးချုပ်၌ ကျင်းပခဲ့ပါသည်။ 

 

အစည်းအဝေးတွင် ဆောက်လုပ်ရေးလုပ်ငန်းများ ဆောင်ရွက်ပြီးစီးမှု အခြေအနေနှင့် ဘဏ္ဍာငွေသုံးစွဲ ပြီးစီးမှု အခြေအနေများကို ပုံနှိပ်ရေးနှင့်ထုတ်ဝေရေးဦးစီးဌာန ညွှန်ကြားရေးမှူချုပ်က Power Point Presentation ဖြင့် ရှင်းလင်းပြသခဲ့ပြီး အပြီးသတ် ဆောင်ရွက်မည့် လုပ်ငန်းများကို သတ်မှတ် အချိန်ကာလအတွင်း ဆောင်ရွက်နိုင်ရေး အဖွဲ့ဝင်များအကြား ညှိနှိုင်းဆွေးနွေးမှုများ ပြုလုပ်ခဲ့ကြ ပါသည်။