related topics
စာပေဗိမာန်
၂၀၁၉ ခုနှစ်အတွက် စာပေဗိမာန်စာမူဆု ပြဇာတ်စာပေ အဖွဲ့ငယ် အစည်းအဝေးကျင်းပ
09-Jul-2020
စာပေဗိမာန်,
၂ဝ၁၉ ခုနှစ် စာပေဗိမာန်စာမူဆုများ ရွေးချယ်ချီးမြှင့်နိုင်ရန်အတွက် ပဏာမအဆင့် စိစစ်ရွေးချယ်ခြင်း များ ဆောင်ရွက်လျက်ရှိရာ ပြဇာတ်စာပေ အဖွဲ့ငယ်အစည်းအဝေးကို ၂ဝ၂၀ ခုနှစ် ဇူလိုင်လ ၈ ရက် မွန်းတည့် ၁၂ : ၀၀ နာရီက ရန်ကုန်မြို့ ကုန်သည်လမ်းရှိ စာပေဗိမာန်ရုံး အစည်းအဝေးခန်းမ၌ ကျင်းပပြုလုပ်သည်။
ပြဇာတ်စာပေ အဖွဲ့ငယ် ပဏာမအဆင့် အစည်းအဝေးသို့ ဦးလေးမြတ် (ကိုလေးမြတ်)၊ ဦးကြည်ဝင်း (လောကအမွန်)၊ ဒေါ်ခင်သန်းဝင်း (ကြူကြူသင်း) တို့ တက်ရောက်ခဲ့ကြပြီး ဦးဇော်လင်း (လင်းအေး) က ခွင့်ပန်ခဲ့သည်။
အစည်းအဝေးတွင် ၂ဝ၁၉ ခုနှစ်အတွက် စာပေဗိမာန်စာမူဆုပြိုင်ပွဲသို့ ပေးပို့ယှဉ်ပြိုင်ထားသည့် ပြဇာတ်စာမူများ ပဏာမအဆင့် စိစစ်ဖတ်ရှုနေမှု အခြေအနေကို စိစစ်ရွေးချယ်ရေး အဖွဲ့ဝင်များက ဆွေးနွေးညှိနှိုင်းခဲ့ကြကြောင်း သိရသည်။
