“အမှောင်ခွင်း၍ အလင်းဆောင်အံ့” ဟူသော စာပေဗိမာန်၏ ဆောင်ပုဒ်နှင့်အညီ နိုင်ငံသားများ အသိပညာတိုးပွားစေရန်နှင့် မြန်မာစာပေဖွံ့ဖြိုးမှုအတွက် အထောက်အကူဖြစ်စေရန် ပြန်ကြားရေး ဝန်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာနအောက်ရှိ “စာပေဗိမာန်ပြည်သူ့စာကြည့်တိုက်” ကို အမှတ် ၅၂၉/၅၃၁၊ ကုန်သည်လမ်းနှင့် ၃၇ လမ်းထောင့်၊ ကျောက်တံတားမြို့နယ်၊ ရန်ကုန်တိုင်းဒေသ ကြီး၊ စာပေဗိမာန်အဆောက်အအုံ (ပထမထပ်) ၌ ဖွင့်လှစ်ထားပါသည်။

စာပေဗိမာန်ပြည်သူ့စာကြည့်တိုက်သည် ပြည်သူတို့ ဗဟုသုတဖြစ်စေရန်နှင့် စာဖတ်အလေ့အကျင့် တိုးပွားစေရန်၊ အတွေးအခေါ်ရင့်သန်လာ၍ ဉာဏ်အမြော်အမြင်ကြီးပွားလာစေရန်၊ နိုင်ငံ့သားကောင်း များ ပေါ်ထွန်းလာစေရန် ရည်ရွယ်ချက်များထားရှိကာ သုတ၊ ရသစာအုပ်မျိုးစုံဖြင့် ဝန်ဆောင်မှု ပေးလျက်ရှိသည်။ ၂၀၂၄ ခုနှစ်၊ ဒီဇင်ဘာလအတွင်း အသစ်ဖတ်ရှုနိုင်သော စာအုပ်များစာရင်းကို အများပြည်သူသိရှိနိုင်ရန် ဖော်ပြအပ်ပါသည်။