၂၀၂၃ ခုနှစ် စာပေဗိမာန်စာမူဆုများ ရွေးချယ်ချီးမြှင့်နိုင်ရန်အတွက် စိစစ်ရွေးချယ် ခြင်းများ ဆောင်ရွက်လျက်ရှိရာ သက်ဆိုင်ရာဘာသာရပ်ဆိုင်ရာအဖွဲ့ငယ် (ဆန်ခါတင်အဆင့်) အစည်း အဝေးကို ၂၀၂၄ ခုနှစ်၊ ဩဂုတ်လ ၂၄ ရက် မွန်းလွဲ ၁ : ၃ဝ နာရီမှ ၂ : ၃ဝ နာရီ အထိ ရန်ကုန်မြို့၊ ကုန်သည်လမ်းရှိ စာပေဗိမာန်ရုံး အစည်းအဝေးခန်းမ၌ ကျင်းပ ပြုလုပ်ခဲ့သည်။

အစည်းအဝေးတွင် ၂၀၂၃ ခုနှစ် စာပေဗိမာန်စာမူဆု ရွေးချယ်နိုင်ရေးအတွက် ပေးပို့ထားသည့် စာမူများမှ ဆန်ခါတင်အဆင့် ရွေးချယ်ထားမှုအခြေအနေကို စိစစ်ရွေးချယ်ရေးအဖွဲ့ဝင်များက ဆွေးနွေးကြကြောင်း သိရသည်။