သမိုင်းအကျဉ်းသို့ ဆက်လက်ဖတ်ရှုရန််

၃။ ရည်ရွယ်ချက်များ(တာဝန်များ) ပြောင်းလဲသတ်မှတ်ခြင်း

၆။ မူလဖွဲ့စည်းစဉ်အချိန်က အသင်း၏ ရည်ရွယ်ချက်မှာ လေးချက်သာရှိခဲ့သော်လည်း ၁၉၄၇ ခုနှစ် စာပေဗိမာန်ဥပေဒေတွင် စာပေဗိမာန်၏ ရည်ရွယ်ချက်များ(တစ်နည်းအားဖြင့်) တာဝန်များကို အောက်ပါအတိုင်း ပြောင်းလဲသတ်မှတ်ခဲ့ပါသည် -

(က) မြန်မာတိုင်းရင်းသားများအဖို့ ဉာဏ်ပညာဗဟုသုတ တိုးပွားကြောင်းဖြစ်သော အင်္ဂလိပ်ဘာသာဖြင့်ဖြစ်စေ၊ အခြားသောနိုင်ငံခြားဘာသာဖြင့်ဖြစ်စေ၊ ပုံနှိပ်ထုတ်ဝေထားသော စာအုပ်စာတမ်းများကို မြန်မာဘာသာပြန်ဆိုရန်။
(ခ) မြန်မာဘာသာဖြင့် ပြုစုရေးသားထားသော သို့မဟုတ် မြန်မာတိုင်းရင်းဘာသာ တစ်ခုခုဖြင့် ပြုစုရေးသားထားသော စီမံ စာအုပ်စာတမ်းများကို နိုင်ငံခြားဘာသာများသို့ ပြန်ဆိုရန် သို့မဟုတ် ပြန်ဆိုခြင်းကို ကူညီအားပေးရန်။
(ဂ) လူထုပညာရေး တိုးတတ်ကောင်းမွန်လာစေရန်နှင့် မြန်မာနိုင်ငံတွင် ပညာတတ်အဆင့်အတန်း မြင့်တတ်လာစေရန် ရည်ရွယ်ချက်ဖြင့် မြန်မာစာပေနှင့် မြန်မာ အနုပညာရပ်များကို စူးစမ်းရှာဖွေရန် သို့မဟုတ် စူးစမ်းရှာဖွေမှုများကို ကူညီအားပေးရန်။
(ဃ) ပင်ကိုဉာဏ်ဖြင့်သော်လည်းကောင်း၊ ရှာဖွေစုဆောင်း၍သော်လည်းကောင်း၊ ဘာသာပြန်၍သော်လည်းကောင်း၊ မှီငြိမ်းပြု၍သော်လည်းကောင်း၊ မြန်မာဘာသာ သို့မဟုတ် အခြားဘာသာများဖြင့် စာအုပ်များ၊ စာတမ်းများ၊ စာစောင်များ နှင့် အခြား ဖတ်ရှုဖွယ်ရာများကို ရေးသား ပုံနှိပ်ထုတ်လုပ်ဖြန့်ချိဝေငှရန် သို့မဟုတ် ရောင်းချရန်၊ ထိုရည်ရွယ်ချက်ဖြင့် ရုပ်ပုံများ၊ အနုပညာရပ်များပါဝင်သော စာအုပ်များ၊ စာတမ်းများ၊ စာစောင်များနှင့် အခြားဖတ်ရှုဖွယ်စာအုပ်များကို ပုံနှိပ်ထုပ်လုပ်ဖြန့်ချိဝေငှရန်အတွက် စာပုံနှိပ်ကိရိယာနှင့် အလုပ်သမား ရယးတည်ထောင် ခန့်အပ်ထားရှိသည်။
(င) အသင်၏ လုပ်ငန်းများကို လုပ်ကိုင်ဆောင်ရွက်ရန်အတွက် လိုအပ်သည်ဟု အသင်းက ထင်မြင်သဘောရသော ရွှေ့ပြောင်းနိုင်သည့် ပစ္စည်း သို့မဟုတ် မရွှေ့ပြောင်းနိုင်သည့် ပစ္စည်းနှင့် မည်သည့်အခွင့်အရေး တစ်စုံတစ်ခုကိုမဆို ဝယ်ယူရန် သို့မဟုတ် ငှားယူရန် လဲလှယ်ယူရန် သို့မဟုတ် အခြားတစ်နည်းနည်းဖြင့် ယူရန်။
(စ) မည်သည့်အဆောက်အဦကိုသော်လည်းကောင်း၊ လမ်းပန်းကိုသော်လည်းကောင်း၊ တိုက်ရိုက်ဖြစ်စေ၊ အခြားနည်းဖြစ်စေ၊ ဤအသင်းကြီးအား ပိုမို၍ အကျိုးဖြစ်ထွန်းဖွယ်ရှိမည်ဟူ၍ ခန့်မှန်းရသော အခြားအလုပ်များကိုသော်လည်းကောင်း တည်ဆောက်ရန်၊ မွမ်းမံရန်၊ စောင့်ရှောက်ရန်၊ တိုးချဲ့ရန်၊ လုပ်ကိုင်ရန်၊ အုပ်ချုပ်ရန်၊ ဆောင်ရွက်ရန်၊ ကြီးကြပ်ထိန်းသိမ်းရန်၊ ထိုသို့ တည်ဆောက်၊ မွမ်းမံ၊ စောင့်ရှောက်၊ အုပ်ချူပ်၊ ထိန်းသိမ်းမှု စသည်များ ပြုလုပ်ခြင်းကို အစုပါဝင်ရန်၊ ငွေဖြင့် ထောက်ပံ့ရန် သို့မဟုတ် အခြားနည်းဖြင့် ကူညီပါဝင်ရန်။
(ဆ) အသင်းကြီး၏ ရည်ရွယ်ချက်တစ်စုံတစ်ရာကို အထောက်အပံ့ဖြစ်မည့် အစီအစဉ်များကို အစိုးရ သို့မဟုတ် အခွင့်အရေးပိုင်သူများနှင့် စေ့စပ်ပြုလုပ်ရန် ရရှိအပ်သည်ဟု အသင်းက သဘောရသောအခွင့်အရေးနှင့် အထူးအခွင့်အရေးများကို အစိုးရမဟုတ်သော အခွင့်အရေး ပိုင်သူများထံမှ ရယူရန်နှင့် ၎င်း အစီအစဉ် အခွင့်အရေးနှင့် အထူးအခွင့်များကို ဆောင်ရွက်လိုက်နာရန်။
(ဇ) လူထုအသင်းအဖွဲ့များ၊ အစိုးရဌာနာများနှင့် လူအများအဖို့ စာအုပ်စာတမ်း ဖြန့်ချိသူများ၊ ဖြန့်ချိမှုကိုယ်စားလှယ်များ၊ စာအုပ်စာတမ်း၊ စာစောင်စသည်များကို ပေးသွင်းရောင်းချသူများ၏ အလုပ်ကို လက်ခံ လုပ်ကိုင်ရန်။
(ဈ) အသင်းက သင့်လျော်မည်ဟု သဘောရရှိသောနည်းဖြင့် ငွေများကိုချေးငှားယူရန်၊ ငွေချေးလက်မှတ်များကို ထုတ်ရန်နှင့် ဝင်ငွေရအောင်ပြုလုပ်ရန်၊ အထူးအားဖြင့် ဒီဗင်ချာများ သို့မဟုတ် ဒီဗင်ချာအစုရှယ်ယာများကို ထုတ်ရန်၊ အဆိုပါ ဒီဗင်ချာများသည် အသင်းပိုင် (လက်ရှိနှင့်တကွ အနာဂတ်ပိုင်) ပစ္စည်းများ အားလုံးအပေါ်တွင် လည်းကောင်း၊ ပစ္စည်းတစ်စုံတစ်ရာအပေါ်တွင်လည်းကောင်း၊ ထာဝရဖြစ်စေ၊ အခြားနည်းဖြစ်စေ၊ တောင်းခံနိုင်သော ဒီဗင်ချာများဖြစ်သည်။
(ည) ကတိငွေလက်မှတ်များ၊ ငွေလဲလက်မှတ်များ၊ ကုန်တင်လက်မှတ်များ၊ ဝရမ်းလက်မှတ်များနှင့် အခြား ငွေလဲနိုင်သည့် လက်မှတ်များကိုဖြစ်စေ၊ လွှဲပြောင်းပေးနိုင်သည့် စာချုပ်များကိုဖြစ်စေ၊ ရေးသားပြုလုပ် လက်ခံလက်မှတ်ထိုး ကော်မရှင်စား လက်ခံချုပ်ဆိုထုတ်ဝေခြင်းများကို ပြုလုပ်ရန်။
(ဋ) အခြားအလုပ်တစ်ခုသည် မည်သို့သော အလုပ်မျိုးဖြစ်စေ၊ အထက်ဖော်ပြပါ အချက်များနှင့် စပ်လျဉ်း၍ ချောမောစွာ လုပ်ကိုင်သွားနိုင်မည်ဟု အသင်းက ထင်မြင်သဘော ရရှိသော် သို့မဟုတ် တိုက်ရိုက်ဖြစ်စေ၊ အသင်းပိုင်ပစ္စည်းနှင့် အခွင့်အရေး တစ်စုံတစ်ရာအဖို့ အမြက်ထွက်ဖွယ်ရှိမည် သို့မဟုတ် တန်ဖိုးပိုမိုလာမည့်ကိန်းရှိသော် ထိုအလုပ်ကို လုပ်ရန်။
(ဌ) အခြားအလုပ်တစ်ခုသည် မည်သို့သော အလုပ်မျိုးဖြစ်စေ၊ အထက်ဖော်ပြပါ အချက်များ နှင့် စပ်လျဉ်း ချောမောစွာ လုပ်ကိုင်သွားနိုင်မည်ဟု အသင်းက ထင်မြင်သဘောရရှသော် သို့မဟုတ် တိုက်ရိုက်ဖြစ်စေ၊ အခြားနည်းဖြင့်ဖြစ်စေ၊ အသင်းပိုင်ပစ္စည်းနှင့် အခွင့်အရေးတစ်စုံတစ်ရာအဖို့ အမြတ်ထွက်ဖွယ်ရှိမည် သို့မဟုတ် တန်ဖိုးပိုမိုလာမည့်ကိန်းရှိသော် ထိုအလုပ်ကို လုပ်ရန်။
(ဍ) လက်ငင်းအသုံးပြုရန် မလိုသေးသော အသင်းငွေများကို ရံဖန်ရံခါ မည်သို့စီမံခန့်ခွဲအပ်သည်ဟု ပြဌန်းသတ်မှတ်သည့်အတိုင်း ရင်းနှီးစီမံထားရန်။
(ဎ) အထက်ပါရည်ရွယ်ချက်များနှင့် စပ်လျဉ်း၍ ပေါ်ပေါက်သည့် ကိစ္စများကိုဖြစ်စေ၊ ယင်းသည် ရည်ရွယ်ချက်များ ထမြောက်ရေးအတွက်ဖြစ်စေ၊ တရားဥပဒေနှင့် ညီညွတ်သော အခြားကိစ္စမျိုးတို့ကို ပြုလုပ်ရန်။